گه‌ڕان

Shadow Shadow
سیاسه‌تی

وردەکاریى

دارایى پەرلەمان زانیارى نوێ لەبارەى وادەى دەنگدان بە بودجە ئاشکرا دەکات

2021.03.21 - 20:58
App store icon Play store icon Play store icon
دارایى پەرلەمان زانیارى نوێ لەبارەى وادەى دەنگدان بە بودجە ئاشکرا دەکات

ناس کورد-

جێگرى سەرۆکى لیژنەى دارایى پەرلەمانى عێراق زانیارى نوێ لەبارەى وادەى دەنگدان بە پڕۆژە یاساى بودجە ئاشکرا دەکات و دان بەوەدا دەنێت کە دواکەوتنى دەنگدان بە بودجە کاریگەرى ئەرێنى لەسەر هاووڵاتیان جێهێشتووە.

 

کەناڵی ناس کورد لە تێلیگرام جۆین بکە   

 

موسەننا سامەرائی، جێگرى سەرۆکى لیژنەى دارایى پەرلەمانى عێراق (21ى ئازارى 2021) رایگەیاند "کار بۆ ئەوە دەکەین لە هەفتەى داهاتوودا دەنگ لەسەر پڕۆژە یاساى بودجە بدەین".

 

وتیشى "دواکەوتنى دەنگدان بەو پڕۆژەیە کاریگەرى ئەرێنى لەسەر هاووڵاتیان بەجێهێشتووە".

 

ئاماژەى بەوەش کرد کە نوێنەرانى فراکسیۆنەکانى پەرلەمان لە لیژنەکەدا دەنگیان داوە بە بودجەکە.

 

جەختیشى لەسەر ئەوە کردەوە کە بابەتى بودجە پەیوەندى نییە بە گۆڕانکاریى لە بەهاى دۆلار بەرامبەر بە دینار.

 

بەوتەى سامەرائی لە بودجەکەدا سەرجەمى لێبرینێک لە مووچە لابراوە و سەبارەت بە دانانى باجیش رونیکردەوە باج لەسەر کەلوپەلە بنەڕەتییەکانى رۆژانەى هاووڵاتیان دانەنراوە.