گه‌ڕان

Shadow Shadow
سیاسه‌تی

بۆ گەڕانەوەى داواى سەرانە دەکرێت

کەشتییەکى عێراقى لەنزیک کەناراوەکانى ئێران ڕفێنرا [ڤیدیۆ]

2021.03.21 - 17:22
App store icon Play store icon Play store icon
کەشتییەکى عێراقى لەنزیک کەناراوەکانى ئێران ڕفێنرا [ڤیدیۆ]

ناس کورد- 

پەرلەمانتارێکى عێراق ڕایدەگەیەنێت، لەسنورە ئاوییەکانى ئێراندا لەلایەن چەتە دەریاییەکانەوە کەشتیەکى عێراقى کە سەر بەکەرتى تایبەتە ڕفێنراوە.

 

کەناڵی ناس کورد لە تێلیگرام جۆین بکە   

 

کازم فنجان حەمامى پەرلەمانتارى عێراق (21ى ئازارى 2021) لەڕاگەیەنراوێکدا کە "ناس کورد" بەدواداچوونى بۆ کردووە رایگەیاند،  داواکارییەکى لەخاوەن کەشتى (T-4)ى عێراقیەوە پێگەیشتووە کە لەلایەن چەتە دەریاییەکانەوە کەشتیەکەیان ڕفاندووە و دواتر بەرەو شوێنێکى نادیاریان بردووە و  لەتۆمارێکى دەنگیدا داواى 80 هەزار دۆلار سەرانەى لێ دەکەن بۆ ئازادکردنى. 

 

پەرلەمانتارەکە ئاماژەى بۆ ئەوەش کردووە، خاوەن کەشتیەکە ئەوەشى وتووە، کەشیتەکەى نزیک بووەتەوە لەبەندەرى بۆشهەر و سەرجەم کەلوپەل و پێداویستیەکانى ناو کەشتیەکەشى دزراوە.

 

حەمامى بەڵێنى ئەوەشیداوە، ئاگادارنامەى بەپەلە بۆ ناوەندى هاریکارى فریاگوزارى خێرا ڕەوانە بکات کە بارەگاکەى لەبەحرەینە و قسە لەگەڵ لایەنە پەیوەندیدارە عێراقیەکانیشدا بکات بۆ ئەوەى قسە لەگەڵ وڵاتانى دراوسێدا بکەن.