گه‌ڕان

Shadow Shadow
سیاسه‌تی

بە بەڵگەوە

فەرمانی دەستگیرکردن بۆ باوکی پەرلەمانتارێکی یەکێتی دەرچوو

2021.03.21 - 12:29
App store icon Play store icon Play store icon
فەرمانی دەستگیرکردن بۆ باوکی پەرلەمانتارێکی یەکێتی دەرچوو

ناس کورد-
بەپێی بەڵگەنامەیەک کە دەستی ناس کورد کەوتووە، فەرمانی دەستگیرکردن بۆ غەفور ساڵح سەمین کە کادیرێکی پێشکەوتووی یەکێتی و باوکی دیلان غەفور، پەرلەمانتاری ئەو حزبە لە پەرلەمانی عێراق دەرچووە.

کەناڵی ناس کورد لە تێلیگرام جۆین بکە   

 

بەپێی بەڵگەنامەکە کە 8ی شوباتی ئەمساڵ لەلایەن سەرۆکایەتی دادگای تێهەڵچوونەوەی کەرکوک دەرکراوە، فەرمانی دەستگیرکردنی بۆ (غەفور ساڵح سەمین ڕەمەزان) دەرچووە بەپێی ماددەی 322 یاسای سزادانی عێراقی.

me_ga.php?id=2920

لەوباریەوە، عامر نوری، وتەبێژی پۆلیسی کەرکوک (21ی ئازاری 2021) لە لێدوانێکدا بۆ "ناس کورد" هەواڵەکەی پشتڕاستکردەوە و وت، "ناوبراو چەندین جار بانگهێشتی دادگا کراوە، دۆسیەکە دەگەڕێتەوە بۆ دوای ڕووداوەکانی 16 ئۆکتۆبەر، پرسەکە پرسێکی مەدەنیە و لەسەر سکاڵای کەسێک بووە".


وتیشی، "لە ئێستادا زۆرێک لەو بەرپرسە کوردانەی کە پێشتر لە کەرکوک بوون لەلایەن کەسانی ترەوە بە تۆمەتی جیاحیا سکاڵایان لەسەر تۆماردەکرێت، ئەو بابەتەش بەشێوەیەکی زیاتر دوای ڕووداوەکانی 16ی ئۆکتۆبەرەوە سەریهەڵداوە".


وتەبێژەکەی پۆلیسی کەرکوک ئەوەشی وت،" تائێستا کەیسەکەی غەفور ساڵح لە دادگایە و تائێستا یەکلایی نەبووەتەوە و ناوبراویش چەند جارێک چووەتە بەردەم دادوەر".