گه‌ڕان

Shadow Shadow
سیاسه‌تی

وردەکاری

عێراق: لە ماوەى 10 ڕۆژدا 85 ئامانجی داعشمان خاپوور کردووە

2021.03.21 - 09:15
App store icon Play store icon Play store icon
عێراق: لە ماوەى 10 ڕۆژدا 85 ئامانجی داعشمان خاپوور کردووە

ناس کورد-

وەزارەتی بەرگریی عێراق بڵاوی کردەوە، لە ئەنجامی 133 هێرشی ئاسمانیی هاوپەیمانی نێودەوڵەتیدا بۆ سەر ناوچە شاخاوییەکانی باکوری وڵات، 85 ئامانجی داعش خاپوورکراون.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا کە لە لایەن خانەی ڕاگەیاندنی ئەمنیی سەر بە وەزارەتی بەرگریی عێراقەوە بڵاوکراوەتەوە و "ناس کورد" بەدواداچوونی بۆ کردووە (21ی ئازاری 2021)  باس لەوە کراوە، ئۆپەراسیۆنەکە کە 10 ڕۆژی خایاندووە، لە لایەن فەرماندەیی ئۆپەراسیۆنی نەینەوا لە چیاکانی قەرەداغ ئەنجامدراوە.

 

لە ڕاگەیەندراوەکەدا باس لەوە کراوە کە 61 حەشارگە و 24 ئەشکەوت کە چەکدارانی داعش بەکاریانهێناون خاپوورکراون و، ژمارەیەکی زۆر چەکداریش لەچالاکی خراون.

 

ڕێکخراوی داعش لە حوزەیرانی 2014دا تەواوی پارێزگاکانی موسڵ، سەڵاحەدین و ئەنبار و بەشێکی پارێزگاکانی دیالە و کەرکوکی کۆنتڕۆڵکرد، دواتر ئەو پارێزگایانە لە ماوەی چەند ساڵێکدا لەو رێکخراوە پاککرانەوە و کۆنترۆڵکرانەوە.

 

سەرۆکوەزیرانی پێشووتری عێراق، حەیدەر عەبادی، لە نۆی کانوونی یەکەمی 2017دا سەرکەوتنی بەسەر رێکخراوەکەدا راگەیاند.

 

سەرەڕای تێپەڕبوونی زیاتر لە سێ ساڵ بەسەر دەرکردنی ڕێکخراوەکە و کۆنترۆڵکردنەوەی شارەکان، بەڵام هێشتا ئەو رێکخراوە بەردەوامە لەسەر هێرش و پەلامارەکانی، بەتایبەتی لە گوندەوارەکانی ئەو پارێزگایانە.