ناس کورد-
وەزارەتی کارەبای هەرێم پیرۆزبایی سەری ساڵی کوردی لە هاووڵاتیان دەکات و ڕایگەیاند، تاوەکو ڕۆژی شەممەی داهاتوو ڕۆژانە 18 کاتژمێر کارەبا بە هاووڵاتیان دەدەن.
کەناڵی ناس کورد لە تێلیگرام جۆین بکە
لە ڕاگەیەنراوێکدا وەزارەتی کارەباری هەرێم (شەممە 20ی ئازاری 2021) ڕایگەیاند، "بەبۆنەی جەژنی نەورۆز و سەری ساڵی 2721ی كوردی پیرۆزبایی لە هاوڵاتیانی كوردستان دەكەین، لەم بۆنەیەدا زیاتر لە 7000 فەرمانبەری كارەبا بەشێوەی نۆرە و ئیشكگری 24 كاتژمێر لە 229 وێستگە و 155 فەرمانگەی چاككردنەوەی كارەبا و تیمەكانی كۆنترۆڵی كارەبای هەرێم و كۆنترۆڵی پارێزگاكان و چاككردنەوەی وێستگەكان و بەڕێوەبەرایەتیەكانی بەرهەمهێنانی كارەبا لەخزمەتی هاوڵاتیاندا دەبن."
ئاماژەی بەوەشكردووە، "ڕۆژانە 18 كاتژمێر كارەبا دەدرێتە هاوڵاتیان ئەمەش بە سوود وەرگرتن لە بەرهەمهێنانی 3400 مێگاوات كارەبا كە بەشێوەیەكی رێكوپێك بەسەر پارێزگاكانی هەرێمی كوردستاندا دابەش دەكرێت و بڕیاریشە تا رۆژی شەممە بەمشێوەیە كارەبا بەهاوڵاتیان بدرێت. "
