گه‌ڕان

Shadow Shadow
سیاسه‌تی

زانیاری زیاتر

مەسرور بارزانی داوایەک ئاڕاستەی حکومەتی عێراق دەکات

2021.03.20 - 19:38
App store icon Play store icon Play store icon
مەسرور بارزانی داوایەک ئاڕاستەی حکومەتی عێراق دەکات

ناس کورد-

بەبۆنەی جەژنی نەورۆزەوە سەرۆکی حکومەتی هەرێم پەیامێکی بڵاوکردەوە و ڕایگەیاند، هیوادارە حکومەتی فيدرالی، ئەرکەکانی خۆی بۆ جێبەجێکردنی هەمو خاڵە دەستوورییەکان بە جێبهێنێت، بو ئەوەی سەقامگیریی سیاسی و ئابووری و ئاسایش لە هەمو عێراقدا بچەسپێت.

کەناڵی ناس کورد لە تێلیگرام جۆین بکە   

 

ده‌قی په‌یامه‌كه‌ی سه‌رۆكی حكومه‌ت:

 

بە بۆنەی جەژنی نەورۆز و ساڵی نوێی کوردییەوە، گەرمترین پیرۆزبایی ئاراستەی کوردستانییان، بە تایبەتی پێشمەرگە قارەمانەکان و هێزە ئەمنییەکان و کەسوکار و بنەماڵەی سەربەرزی شەهیدان دەکەم . هیوادارم ساڵی خۆشی و خۆشگوزەرانی بێت بۆ گەلی کوردستان .

 

نەورۆز بۆ گەلی کوردستان، هەمیشە هێما و سیمبولی ئازادی و نوێبوونەوەی ژیان و سەرکەوتن بووە، بۆیە هیوادارم ئەم نەورۆزە، ببێتە مایەی بە ديهێنانی هەموو مافەکانمان و سەرکەوتن بە سەر هەموو سەختی و ناخۆشییەکاندا.

 

لێرەدا بە پێویستی دەزانم سوپاسی خەڵکی کوردستان بکەم، بۆ پشوودرێژی و خۆڕاگرییان کە هاوکار و یارمەتیدەربوون بۆ ئەوەی حکومەتی هەرێمی کوردستان ، بتوانێت ڕووبەڕووی قەیرانەکان ببێتەوە.

 

هیوادارم حکومەتی فيدرالی، ئەرکەکانی خۆی بۆ جێبەجێکردنی هەمو خاڵە دەستوورییەکان بە جێ بهێنێت، بو ئەوەی سەقامگیریی سیاسی و ئابووری و ئاسایش لە هەمو عێراقدا بچەسپێت.

 

داوا لە هاونیشتمانییان دەکەم، پابەندبن بە ڕێنماییە تەندروستییەکان و ڕێکارەکانی خۆپارێزی، بەتایبەتی لە ڕۆژانی جەژنی نەورۆزدا، بۆ ئەوەی بە یەکەوە کاربکەین بۆ بەرەنگاربوونەوەی ئەو پەتایە، لە پێناو پاراستنی کۆمەڵگە بە گشتی و بەسەربردنی کاتێکی خۆشتر.

 

نەورۆزتان پیرۆز بێت و کوردستان هەمیشە ئاوەدانتر و گەشەسەندووتر بێت .

 

مەسرور بارزانی

 

سەرۆکی حکومەتی هەرێمی کوردستان

 

2021/3/20