یەکێتی بۆ پارتی: له‌ هه‌موو كات زیاتر یه‌كده‌ست‌ و یه‌كهه‌ڵوێستین بۆ چاره‌سه‌رى كێشه‌کان

به‌رێزان له‌/ مه‌كته‌بى سیاسى پارتى دیموكراتى كوردستان سڵاوێكى گه‌رم ... سوپاسى بروسكه‌ى پیرۆزبایى‌و په‌یامه‌ دۆستانه‌كه‌تان ده‌كه‌ین، به‌بۆنه‌ى یادى (44) ساڵه‌ى دامه‌زراندنى یه‌كێتیى نیشتمانیى كوردستانه‌وه‌. له‌م یاده‌ مه‌زن‌ و پیرۆزه‌دا، ئێمه‌ له‌ یه‌كێتیى نیشتمانیى كوردستان، جه‌خت له‌سه‌ر هاوخه‌باتى‌و دۆستایه‌تى نێوانمان‌ و هه‌ماهه‌نگى سه‌رجه‌م لایه‌نه‌ سیاسیه‌كانى كوردستان ده‌كه‌ینه‌وه‌. له‌وه‌ش دڵنیایتان ده‌كه‌ینه‌وه‌، كه‌ له‌م قۆناغه‌ى ئێستادا یه‌كێتى له‌هه‌موو كات زیاتر یه‌كده‌ست‌ و باشتر یه‌كهه‌ڵوێسته‌ بۆ چاره‌سه‌رى كێشه‌ى ڕه‌واى گه‌له‌كه‌مان‌و پێشخستنى پرۆسه‌ى سیاسى له‌ عێراق‌و هه‌رێمى كوردستان‌و خزمه‌تكردنى زیاتر به‌ كۆمه‌لانى خه‌ڵكى كوردستان. له‌گه‌ڵ رێزماندا... مه‌كته‌بی سیاسى یه‌كێتیى نیشتمانیى كوردستان 2/6/2019