گه‌ڕان

Shadow Shadow
سیاسه‌تی

عادل عەبدولمەهدی: هەرێم نەوتی ڕادەست نەکردووین بەڵام موچەى خەڵکی کوردستان نابڕین

2019.06.02 - 16:56
App store icon Play store icon Play store icon
عادل عەبدولمەهدی: هەرێم نەوتی ڕادەست نەکردووین بەڵام موچەى خەڵکی کوردستان نابڕین

کەناڵی ناس کورد لە تێلیگرام جۆین بکە   

ناس کورد- عادل عەبدولمەهدی ڕایگەیاند، تائێستا هەرێمی کوردستان یەک بەرمیل نەوتی ڕادەستى بەغدا نەکردووە، بەڵام حکومەتى فیدڕاڵی موچەى خەڵکی هەرێمی کوردستان نابڕێت. عادل عەبدولمەهدی، سەرۆک وەزیرانى عێراق لە کۆنفرانسی ڕۆژنامەنوسی هەفتانەیدا ڕایگەیاند، هەرێمی کوردستان پابەندی ڕێککەوتنەکەى لەگەڵ بەغدا نەبووە وەک ئەوەى لە دەستوردا هاتووە. . لەبارەى تەواوکردنی کابینەکەى، عادل عەبدولمەهدی وتی، "داوامان لە لایەنە سیاسییەکان کردووە کاندیدەکانیان بۆ وەزارەتە بەتاڵەکان یەکلایی بکەنەوە، ئەگەر دوابکەون هەڵوێستمان دەبێت." وتیشى، "پڕکردنەوەى پۆستەکان بە وەکالەت بەهۆى دابەشکاریی حزبییەوەیە و هەوڵدەدەین چارەسەری بکەین سەرباری فشارەکان." . لەبارەى هەڵوێستى عێراق لە بارگرژییەکانى ئەمریکا و ئێران، عادل عەبدولمەهدی وتی، "ئەدای شاندی عێراق لە لوتکەى مەککە باش بوو، ڕەنگدانەوەى هەڵوێستى عێراق بوو لەبارەى قەیرانەکانى ناوچەکە." لەبارەى کردنەوەى ناوچەى سەوزی بەغدا، ڕایگەیاند، بۆ ڕۆژانی جەژنی ڕەمەزان، سەرجەم دەرگاکانى ناوچەى سەوز بەڕوی هاوڵاتیاندا دەکرێنەوە.