گه‌ڕان

Shadow Shadow
سیاسه‌تی

تۆمەتباربوو بە کوشتنى مێردمنداڵێک

وردەکاريى خۆکوشتنی پێشمەرگەیەکى دێرین لە زیندانى گەرمیان

2021.03.19 - 16:53
App store icon Play store icon Play store icon
وردەکاريى خۆکوشتنی پێشمەرگەیەکى دێرین لە زیندانى گەرمیان

ناس کورد-

 

پۆلیسی گەرمیان رایگەیاند، ئەو تۆمەتبارەى ئەمڕۆ لە زیندانى گەرمیان خۆى کوشتووە، پێشمەرگەى دێرینە و لەڕێگەی تەزوی کارەباوە خۆی کوشتووە.

کەناڵی ناس کورد لە تێلیگرام جۆین بکە   

 

عەلی جەمال قەدوری بەڕێوەبەری ڕاگەیاندنی پۆلیسی گەرمیان لە ڕاگەیەنراویکدا کە وێنەیەکی دەست "ناس کورد" کەوتووە (19ی ئازاری 2021) ئاشکرایکردووە، دوانیوەڕۆی ئەمڕۆ هەینی لەگرتن و گواستنەوەی گەرمیان بەندکراوێک بەناوی (ج. م. ا) لەدایکبووی 1962 کەپێشمەرگەی دێرینە لەڕێگەی تەزوی کارەباوە خۆی کوشت.

 

باسی لەوەشکردووە، دوای ئەوەی لەبەرواری 8-3-2021 لەگوندی گردەگۆزینەی سەربەقەزای کەلار مێردمنداڵێک بەناوی (ع. س. ع) لەدایکبووی 2004 لەماڵ دەرچوو نەگەڕایەوە ماڵەوەو کەسوکاری سکاڵایان هێنایە لای پۆلیس، دوای لێکۆڵینەوەو بەدواداچوون لەبەرواری 14-3-2021 تەرمی ناوبراو لە نزیک شەقامی  نێوان ناحییەی ڕزگاری-  گوندی گردەگۆزینە بەخنکێنراوی دۆزرایەوە.

 

بەڕێوەبەری ڕاگەیاندنی پۆلیسی گەرمیان ئەوەشی وتووە، بەشی پۆلیسی نەهێشتنی تاوانی گەرمیان  پەڕاوی لێکۆڵینەوەی لەسەر ڕوداوەکە کردەوە دوای لێکۆڵینەوە و گەڕان لەبەرواری 16-3-2021 دوو گومانلێکراو بەناوەکانی (ج . م . ا ) و ( ا . م . ا ) لەسەر دۆسیەی خنکاندنی ئەو مێردمنداڵە دەستگیرکران لەسەرفەرمانی دادوەری لێکۆڵینەوەی کەلار بەپێی مادەی 406 بەندکران و لێکۆڵینەوە لەگەڵیان دەستی پێکرد.

 

بەوتەى جەمال قەدورى، ئەمڕۆ یەکێک لەگومان لێکراوەکان لەگرتووخانەی گەرمیان بە تەزوی کارەبا خۆی کوشت. لەئێستادا بەمەبەستی پشکنین تەرمەکەی ڕەوانەی پزیشکی دادوەری قەزای کەلارکراوەو پۆلیسیش لیژنەیەکی پێک هێناوەو لەشوێنی ڕوداوەکە دەستی بەلێکۆڵینەوە کردوە لەسەر هۆکارو چۆنێتی خۆکوشتنی ناوبراو.

May be an image of 1 person and standing