گه‌ڕان

Shadow Shadow
سیاسه‌تی

هاوپەیمانی کورد و کازمی؟!

ڕاپۆرتێك: دوو هۆكار لەپشت گرژییەكانی ئەمدوایی میلشیاكان و هەرێمی كوردستانن

2021.03.19 - 14:46
App store icon Play store icon Play store icon
ڕاپۆرتێك: دوو هۆكار لەپشت گرژییەكانی ئەمدوایی میلشیاكان و هەرێمی كوردستانن

ناس کورد-

ڕۆژنامەی ئەلعەرەبی چاپی لەندەن بڵاویكردەوە، گرژییەكانی ئەمدواییەی نێوان هەندێ لە گروپە میلیشیاكان و هەرێمی كوردستان دەگەڕێتەوە بۆ هۆكارێكی دەرەكی و هۆكارێكی ناوەندی كە پەیوەندی بە هێزەكانی ئەمەریكا و هەڵبژاردنی پێشوەختەوە هەیە.

کەناڵی ناس کورد لە تێلیگرام جۆین بکە   

 

راپۆرتێكی ڕۆژنامەكە كە "ناس كورد" بەدواداچوونی بۆ كردووە (19 ئازاری 2021) باس لەوەدەكات هەڵمەتی گوشاری میلیشیاكانی پەیوەست بەئێران دژ بە هەرێم بەشێكی دەگەڕێتەوە بۆ پەیوەندی بتەوی هەرێم بە واشنتۆنەوە.


هەرەها ئەوەش دەخاتەڕوو كە گروپە چەكدارە میلیشیاكان ترسی ئەوەشیان هەیە هێزە سیاسییە كوردییەكان لە هەڵبژاردنەكاندا پشتیوانی لە مستەفا كازمی سەرۆك وەزیران بكەن و پێكەوە بەرەیەكی سیاسی هاوپەیمان و نزیك لە ئەمەریكا دروست بكەن لەسەر حسابی بەرژەوەندییەكانی ئێران.


بەگوێرەی لێكدانەوەكانی ڕۆژنامە لەندەنییەكە هێزە چەكدارەكان ترسی ئەوەشیان هەیە هەرێم ببێتە پەناگەیەك بۆ هێزەكانی ئەمەریكا و هاوپەیمانان لەكاتێكدا كە پەرلەمانی عێراق بەزۆرینەی دەنگی شیعەكان بڕیاری دەركردنی دەركردوون.


لەپاش هێرشە موشەكییەكەی سەر هەولێر دوا هەڵویستی گروپە چەكدارەكان تویتێكی ئەبو ئالا وەلائی، ئەمینداری گشتیی کەتائیبی سەید شوهەدایە کە یەکێکە لە گروپە چەکدارییە نزیکەکان لە ئێرانەوە لە تویتەری خۆی نامەیەکی ئاڕاستەی بارزانی کردووە و دەڵێت "ئێمە بە هەموو توانایەک هەوڵ دەدەین بۆ ڕێگری لە تێپەڕاندنی یاسای بودجە کە ڕێگە بە تۆ بدات کۆنتڕۆڵی پارەی گەلی عێراق و کورد بکەیت".

 

دەشڵێت "ئێمە هاوکاری کەسانی بەشەرەفی کورد لە پارێزگاکانی هەرێم دەکەین تاوەکو ڕزگاریان بێت لە تەماع و ستەمی تۆ، ئێستا کاتی ئەوە هاتووە سنورێک بۆ دیکتاتۆرییە ناشرینەکەت دابنرێت."

 

دواتر دژە تیرۆری کوردستان لە وەڵامێکدا بۆ ئەبو ئالا وەلائیدا ڕایگەیاند، "ڕق و کینەتان بەرامبەر بارزانی تاقیکردەوە، بەڵام شکست و سەرشۆڕیتان بۆ مایەوە".

 

دژە تیرۆری کوردستان (17ى ئازارى 2021) لە ڕاگەیەنراوێکدا کە وێنەیەکی دەست "ناس کورد" کەوتووە و تیایدا وەڵامى ئەبو ئالا وەلائی دراوەتەوە ئاماژەى بەوە کرد "نە نوێنەرایەتی عێراق دەکەن و نە خاوەنی هیچ پێگەیەکی فەرمین، تیرۆریستێكی ترسنۆکن کە لەسەر خواستی ئاغاکانتان وڵات وێران دەکەن و هەر ڕۆژە و لە شوێنێک کردەوەی تیرۆریستی ئەنجام دەدەن، هاووڵاتیی سڤیل دەکەنە قوربانی و شوێنە گشتییەکان و فڕۆکەخانە مەدەنییەکان مووشەکباران دەکەن و پەلاماری هاوپەیمانان دەدەن".

 

لە راگەیەندراوەکەدا هاتووە "وڵاتیك بودجەکەی بە دەست ئێوەبێت و ئێوە بڕیاری لەبارەوە بدەن، بێگومان ئەوە ئەنجامەکەیەتی کە دەبێ ژیانی هاووڵاتیانی پڕ لە مەرگەسات بێت و لەژێر هێڵی هەژاریدا بژین و لەسەر زبڵەکانی لێواری شار بۆ ژەمێک خۆراک بگەڕێن".