گه‌ڕان

Shadow Shadow
سیاسه‌تی

فەرماندەیەکى باڵاى پاسداران: یەک فیشەک لەکەنداو بتەقێت نرخى نەوت دەگاتە سەرو 100دۆلار

2019.06.02 - 15:58
App store icon Play store icon Play store icon
فەرماندەیەکى باڵاى پاسداران: یەک فیشەک لەکەنداو بتەقێت نرخى نەوت دەگاتە سەرو 100دۆلار

کەناڵی ناس کورد لە تێلیگرام جۆین بکە   

ناس کورد فەرماندەیەکى باڵاى سوپاى پاسدارانى ئێران هۆشدارى دەدات لەوەى ئەگەر یەک فیشەک لەکەنداو بتەقێت نرخى بەرمیلێک نەوت دەگاتە سەرو 100دۆلار. . سەید یەحیا سەفەوى، یاریدەدەر و ڕاوێژکارى باڵاى سەربازى فەرماندەى گشتى هێزەکانى سوپاى پاسداران لەگفتوگۆیەکى لەگەڵ ئاژانسى فارس نیوز ئاماژەى بۆ ئەوەکردووە، لەگەڵ تەقینى یەکەم فیشەک لەکەنداو نرخى بەرمیلێک نەوت دەچێتە سەرو 100 دۆلار ئەوەش بەلاى ئەوروپا و دۆستانى ئەمریکا و یابان و کۆریا باشورەوە قبوڵنەکراوە. . وتیشى: "ئێمە وەکو لایەنى سەربازى خراپترینى سیناریۆکان لێکدەدەینەوە نەک لەپێناو جەنگ بەڵکو لەپێناو ئەوەى ئامادەبین بۆ جەنگ، ئێستا ئێمە وەکو هێزێکى خاوەن توانا لەناوچەى باشورى ئاسیا بوونمان هەیە". . ئەو فەرماندە سەربازییەی ئێران ئاماژەى بەوەشداوە ئەگەر ترەمپ ڕاوێژ بەو کەسانە بکات ئەزمونى جەنگى عێراق و ئەفغانستانیان هەیە بەدڵنیایەوە جەنگ لەگەڵ ئێران ناکات، چونکە ئەوان دەزانن ئێران ستراتیژى غافڵگیرانە و شۆکهێنەریان بەرامبەر بەکاردەهێنێت و توشى شۆکیان دەکات. . یەحیا سەفەوى پێی وایە ئەوەی ئەمڕۆ بەرانبەر وڵاتەکەی رودەدات  جەنگى دەروونى و ئابورییە. .