گه‌ڕان

Shadow Shadow
سیاسه‌تی

وردەکاریی

سەرۆکایەتى پەرلەمان و فراکسیۆنەکان لەسەر وادەى تێپەڕاندنى بودجە ’’ڕێککەوتن’’

2021.03.18 - 18:13
App store icon Play store icon Play store icon
سەرۆکایەتى پەرلەمان و فراکسیۆنەکان لەسەر وادەى تێپەڕاندنى بودجە ’’ڕێککەوتن’’

ناس کورد-

 

ئەندامێکى پەرلەمانى عێراق رایگەیاند، لەکۆبوونەوەى سەرۆکایەتى پەرلەمان و سەرۆکایەتى فراکسیۆنەکان رێککەوتن کراوە پڕۆژەى بودجە سبەینێ بخرێتە دەنگدانەوە و ئەمڕۆش دەنگ لەسەر یاساى دادگاى فیدراڵى بدرێت.

کەناڵی ناس کورد لە تێلیگرام جۆین بکە   

 

کەریم علیوى ئەمڕۆ پێنجشەممە لەلێدوانێکیدا بۆ ئاژانسى فەرمى عێراق کە "ناس کورد" بەدواداچوونى بۆ کردووە ئاماژەى بەوەکردووە، کۆبوونەوەى سەرۆکایەتى پەرلەمان و سەرۆکى کوتلەکان بەڕێککەوتنێک کۆتایی هاتووە بۆ تێپەڕاندنى یاساى دادگاى فیدراڵى لەکۆبوونەوەى ئەمڕۆدا.

 

وتیشى "ئەگەر سێیەکى ئەندامان بەشدار بن پڕۆژەکە تێدەپەڕێنرێت، ئەگەریش رێژەى پێویست ئامادە نەبێت بە زۆرینەى سادە تێدەپەڕێنرێت".

 

بەوتەى ئەو پەرلەمانتارە، لەکۆبوونەوەکەدا هەروەها ڕێککەوتن کراوە لەسەر دیاریکردنى سبەینێ بۆ کۆبوونەوەى پەرلەمان تایبەت بە دەنگدان لەسەر پڕۆژەى بودجە.

 

لاى خۆیەوە، بەشیر حەداد جێگرى دووەمى سەرۆکى پەرلەمانى عێراق رایگەیاند، ئەمڕۆ پڕۆژەى بودجە ناخرێتە کارنامەى دانیشتنى پەرلەمانەوە بۆ دەنگدان لەسەرى.

 

بەشیر حەداد لەدواى کۆبوونەوەى سەرۆکایەتى پەرلەمان و سەرۆکى فراکسیۆنەکان جەختیکردەوە، لەکۆبوونەوەى ئەمڕۆى پەرلەماندا تەنها دەنگ لەسەر پڕۆژە یاساى دادگاى فیدراڵى دەدرێت و بودجە ناخرێتە دەنگدانەوە.

 

پێشتر نوسینگەى ڕۆژنامەوانى سەرۆکى پەرلەمانى عێراق (18ى ئازارى 2012) لە راگەیەندراوێکدا کە وێنەیەکى دەست "ناس کورد" کەوتووە ئاماژەى بەوە کردبوو، دانیشتنى پەرلەمان بۆ دەنگدان لەسەر یاساى دادگاى فیدراڵى ئەنجام دەدرێت.  

  

بەگوێرەى راگەیەندراوەکە، هەر ئەمڕۆ (پێنجشەممە) لە کاتژمێر 6ى ئێوارەدا سەرۆکایەتى پەرلەمان کۆبوونەوەیەک لەگەڵ ئەندامانى لیژنەى دارایى و سەرۆکى فراکسیۆنەکان ئەنجام دەدات بۆ تاوتوێکردنى یاساى بودجەى گشتى عێراق.