گه‌ڕان

Shadow Shadow
سیاسه‌تی

زانیاری زیاتر

ڕەوشی کەشوهەوای سبەینێ هەینی ڕاگەیەنرا.. ئەی نەورۆز چۆن دەبێت؟

2021.03.18 - 18:05
App store icon Play store icon Play store icon
ڕەوشی کەشوهەوای سبەینێ هەینی ڕاگەیەنرا.. ئەی نەورۆز چۆن دەبێت؟

ناس کورد-

بەگوێرەی سەرچاوە کەشناسییەکان، سبەینێ هەینی ڕەوشی کەشوهەوا سەقامگیر دەبێت و لە سنوری هەولێر و دهۆک ئەگەری بارانبارینێکی کەم لەکاتەکانی ئێوارەدا هەیە، هاوکات بەگوێرەی پێشبینییەکان، کەشوهەوای ڕۆژانی نەورۆزیش سەقامگیر دەبێت.

کەناڵی ناس کورد لە تێلیگرام جۆین بکە   

 

ئاراس جەبار، شارەزا لە بواری کەشناسی (پێنجشەممە 18ی ئازاری 2021) لە پەیجی فەرمیی خۆی بڵاویکردەوە، "سبەینێ هەینی بە گشتی کەشی ھەرێم سەقامگیر دەبێت و ئاسمانی ناوچەکەش لەنێوان ساماڵ و پەلە ھەوردا دەبێت."

 

ئاماژەی بەوەشکردووە، " لە ناوچە شاخاوییەکانی سنوری پارێزگای ( ھەولێر ، دھۆک ) ئەگەری بارانبارینێکی کەم دەبێت لە ھەندێ کاتی نیوەرۆ بۆ ئێوارەدا و کاریگەری لەسەر ناوچەکانی دیکە لاواز دەبێت."

 

ئەوەشی خستووەتەڕوو،، پلەکانی گەرما بەرێژەی 2 پلەی سلیزی زیاتر روو لەنزمبوونەوە دەکات و خێرایی با مامناوەند و چالاک دەبێت 15 بۆ 20 لەکاتژمێرێکدا بە ئاراستەی جیا جیا

 

هاوکات سەبارەت بە کەشوهەوای ڕۆژانی نەوروز، بەگوێرەی پێشبینییەکان کەشوهەوا سەقامگیر دەبێت و ئاسمان ساماڵ و پەڵەهەور دەبێت.