گه‌ڕان

Shadow Shadow
سیاسه‌تی

’سەرشۆڕیتان بۆ مایەوە’

دژە تیرۆرى کوردستان وەڵامێکى توندى سەرکردەیەکى حەشدى دایەوە

2021.03.17 - 18:15
App store icon Play store icon Play store icon
دژە تیرۆرى کوردستان وەڵامێکى توندى سەرکردەیەکى حەشدى دایەوە

ناس کورد-

دژە تیرۆری کوردستان لە وەڵامێکدا بۆ ئەبو ئالا وەلائی، ئەمینداری گشتیی کەتائیبی سەید شوهەدا رایگەیاند "رقوکینەتان بەرامبەر بارزانی تاقیکردەوە، بەڵام شکست و سەرشۆڕیتان بۆ مایەوە".

 

کەناڵی ناس کورد لە تێلیگرام جۆین بکە   

 

دژە تیرۆری کوردستان  (17ى ئازارى 2021) لە ڕاگەیەنراوێکدا کە وێنەیەکی دەست "ناس کورد" کەوتووە و تیایدا وەڵامى ئەبو ئالا وەلائی دراوەتەوە ئاماژەى بەوە کرد "نە نوێنەرایەتی عێراق دەکەن و نە خاوەنی هیچ پێگەیەکی فەرمین، تیرۆریستێكی ترسنۆکن کە لەسەر خواستی ئاغاکانتان وڵات وێران دەکەن و هەر ڕۆژە و لە شوێنێک کردەوەی تیرۆریستی ئەنجام دەدەن، هاووڵاتیی سڤیل دەکەنە قوربانی و شوێنە گشتییەکان و فڕۆکەخانە مەدەنییەکان مووشەکباران دەکەن و پەلاماری هاوپەیمانان دەدەن".

 

لە راگەیەندراوەکەدا هاتووە "وڵاتیك بودجەکەی بە دەست ئێوەبێت و ئێوە بڕیاری لەبارەوە بدەن، بێگومان ئەوە ئەنجامەکەیەتی کە دەبێ ژیانی هاووڵاتیانی پڕ لە مەرگەسات بێت و لەژێر هێڵی هەژاریدا بژین و لەسەر زبڵەکانی لێواری شار بۆ ژەمێک خۆراک بگەڕێن".

 

دژە تیرۆری کوردستان بۆ ئەبوئالا وەلائی، ئەمینداری گشتیی کەتائیبی سەید شوهەدا  دەڵێت، "رقوکینەتان لە بەرامبەر سەرۆک بارزانی لە 16ی ئۆکتۆبەر تاقی کردەوە، بەڵام شکست و سەرشۆڕیتان بۆ مایەوە".

 

ئەبوئالا وەلائی، ئەمینداری گشتیی کەتائیبی سەید شوهەدا کە یەکێکە لە گروپە چەکدارییە نزیکەکان لە ئێرانەوە لە تویتەری خۆی نامەیەکی ئاڕاستەی بارزانی کردووە و دەڵێت "ئێمە بە هەموو توانایەک هەوڵ دەدەین بۆ ڕێگری لە تێپەڕاندنی یاسای بودجە کە ڕێگە بە تۆ بدات کۆنتڕۆڵی پارەی گەلی عێراق و کورد بکەیت".

 

دەشڵێت "ئێمە هاوکاری کەسانی بەشەرەفی کورد لە پارێزگاکانی هەرێم دەکەین تاوەکو ڕزگاریان بێت لە تەماع و ستەمی تۆ، ئێستا کاتی ئەوە هاتووە سنورێک بۆ دیکتاتۆرییە ناشرینەکەت دابنرێت."