گه‌ڕان

Shadow Shadow
سیاسه‌تی

وردەکاریى

ناس هۆکارى راگرتنى خزمەتگوزارییەکانى دوو هێڵى ئەنتەرنێت لەسنورى سلێمانى ئاشکرا دەکات

2021.03.17 - 17:09
App store icon Play store icon Play store icon
ناس هۆکارى راگرتنى خزمەتگوزارییەکانى دوو هێڵى ئەنتەرنێت لەسنورى سلێمانى ئاشکرا دەکات

ناس کورد-

هەردوو هێڵی نەورۆز تیلیکۆم و فاست لینک بۆ ئینتەرنێت لە پارێزگای سلێمانی لەکار کەوتوون و "ناس کورد" پەیوەندیکرد بە ڕاژەی بەشداربوونی نەورۆز تیلیکۆم و ئاماژەیان بەوەکرد، بەهۆی نوێکردنەوەیە لە هێڵەکە. هاوکات وتەبێژی کۆمپانیای فاست لینک بۆ ئینتەرنێت، رایگەیاند، هێڵەکە لە کۆیە پچڕێندراوە، پۆلیسی کۆیەش ڕونکردنەوە دەدات.

 

کەناڵی ناس کورد لە تێلیگرام جۆین بکە   

 

بۆ زانینی هۆکاری لەکارکەوتنی هیڵی ئینتەرنێتی نەورۆز تلیکۆم "ناس کورد" پەیوەندیکرد بە ڕاژەی بەشداربووانی هێڵەکە، ئاماژەیان بەوەکرد بەهۆی کاری نوێکردنەوە لە هێڵەکە، لە سنوری سلێمانی ئینتەرنێت بۆ ماوەیەکی کاتی ڕاگیراوە و پاش کەمێکی دیکە و دوای نوێکردنەوەکە کێشەی نەبوونی هێڵی ئینتەرنێتی نەورۆز چارەسەر دەکرێت.

 

هاوکات سەفین خدر، وتەبێژی کۆمپانیای فاستلینک لە بارەی لەکارکەوتنی هێڵەکەیان لە سلێمانی ڕایگەیاند "ماوەی دوو کاتژمێرە هەردوو هێڵەکانی کۆیە کە ئینتەرنێتی فاستلینک بۆ سلێمانی دابین دەکەن پچڕێندراون و تیمەکانمان لە هەوڵی چارەسەرکردنی کێشەکەدان و کاتێک تیمەکانمان سەرقاڵی گەڕان بوون بۆ دۆزینەوەی شوێنی پچڕانەکە و چاککردنەوەی، هێڵی دووەمیش پچڕاوەو بۆ ئەوەش دوو کاتژمێر کاتمان پێویستەو تیمەکانمان لە هەوڵدان لە نزیکترین ماوەدا ئینتەرنێتی فاستلینک بۆ سلێمانی بگەڕێننەوە".

 

لەبارەی پچڕانی هێڵی ئینتەرنێتی فاست لینک، عەلی عەبدوڵڵا بەڕێوەبەری پۆلیسی کۆیە بۆ "ناس کورد" وتی "تاوەکو ئێستا ئاگادار نەکراوینەتەوە لەوەی هیڵی ئینتەرنێت لە کۆیە پچڕاوە و ئەگەر هێڵەکەش پچڕابێت نازانین هۆکارەکەی چییە".