گه‌ڕان

Shadow Shadow
سیاسه‌تی

پڕۆتۆکۆڵێکى هاوبەش

تورکیا و عێراق هەنگاوێک بۆ چارەسەرکردنى کێشەى ئاو دەنێن

2021.03.17 - 11:10
App store icon Play store icon Play store icon
تورکیا و عێراق هەنگاوێک بۆ چارەسەرکردنى کێشەى ئاو دەنێن

ناس کورد-

وەزارەتى سەرچاوەکانى عێراق ڕایدەگەیەنێت، پڕۆتۆکۆڵێکى هاوبەش لەنێوان عێراق و تورکیادا بۆ چارەسەرکردنى بەشێک لەگرفتەکانى ئاوى نێوان هەردووڵات هەیە و لەئایندەیەکى نزیکدا واژۆ دەکرێت.

کەناڵی ناس کورد لە تێلیگرام جۆین بکە   

 

لەمیانەى لێدوانێکى ڕۆژنامەوانیدا کە ناس کورد بەدواداچوونى بۆ کردووە، مەهدى ڕەشید حەمدانى، وەزیرى سەرچاوەکانى ئاوى عێراق (17ى ئادارى 2021) ڕایگەیاندووە، نێردەى تایبەتى تورکى جەختى لەسەر ڕێکەوتن و لێتێگەیشتنێک لەبارەى ئەو پرسەوە کردووە لەئایندەیەکى زۆر نزیکدا.

 

ئاماژەى بۆ ئەوەش کردووە، ئەو پرسە لەدواى پڕۆتۆکۆڵێک هات کە حکومەت پێشکەشى تورکیا کرد و عێراق نزیکەى شەش جار کۆبونەوەى لەگەڵ بەرپرسانى تورکیدا لەسەر ئەو پرسە کردووە بەڵام وەکو ئەمەى ئێستا ئاکامێکى ئەوتۆ نەبووە.

 

لاى خۆشیەوە، عەلى ڕازى، وتەبێژى وەزارەتەکە بە ڕۆژنامەى سەباحى ڕاگەیاندووە، فەیسەڵ ئۆگڵۆى، نێردەى تایبەتى سەرۆکى تورکیا جەختى لەسەر ئەوە کردووەتەوە، ڕەزامەندى پەرلەمانى تورکیا بۆ لێتێگەیشتنى نێوان عێراق و تورکیا لەساڵى 2009 ەوە  لەسەر ئەو پرسە هەیە و ئەوەش واتاى هەنگاوێکى گرنگە.

 

ئاماژەى بۆ ئەوەش کردووە، لێتێگەیشتنەکە ساڵى 2014 هەندێک گۆڕانکارى و تێبینى لەسەر زیاد کراوە و چاوەڕوانى ئەوەن لەپەرلەمانى تورکیاوە ڕەزامەندى لەسەر بدرێت.

 

ڕازى جەختى لەسەر ئەوەش کردووەتەوە، پڕۆتۆکۆڵێکى هاوبەش لەنێوان عێراق و تورکیادا هەیە و لەچەند ڕۆژى داهاتوودا واژۆ دەکرێت کە ئەوەش تایبەتە بەچارەسەرکردنى بەشێک لە کێشەکانى پرسى ئاو لەنێوان هەردوو وڵاتتدا کە لەسەردانەکەى ئەمدواییەى سەرۆک وەزیران بۆ ئەنکەرە زیاتر چووەتە پێشەوە.