گه‌ڕان

Shadow Shadow
سیاسه‌تی

’’ئێستا کاربەدەستن’’

مەلا بەختیار باس لەو کەسانە دەکات کە ’’پەنجەی ژنانی هەڵەبجەیان بڕیوە’’

2021.03.16 - 20:13
App store icon Play store icon Play store icon
مەلا بەختیار باس لەو کەسانە دەکات کە ’’پەنجەی ژنانی هەڵەبجەیان بڕیوە’’

ناس کورد-

مەلا بەختیار، ئەندامی ئەنجومەنی باڵا و بەرژەوەندی سیاسیی یەکێتی لە نوسینێکدا ڕایگەیاند، لەکاتی مەرگەساتی کیمیابارانکردنی هەڵەبجەدا، خەڵکانێک هەبوون پەنجەی ئاوساوی دەستی ژنانی هەڵبجەیان بڕیوە تا ئەڵقە و ئەنگوستیلەکانیان ببەن، پارەی گیرفانی قوربانییەکانیان دزیوە، کەچی ئێستا کاربەدەست و پلەدارن.

کەناڵی ناس کورد لە تێلیگرام جۆین بکە   

 

مەلا بەختیار، ئەندامی ئەنجومەنی باڵا و بەرژەوەندی سیاسیی یەکێتی لە فەیسبوکی فەرمیی خۆی (سێشەممە 16ی ئازاری 2021) ڕایگەیاند، "کە یادی هەڵەبجە دەکرێتەوە، جگە لە فاشیەتی بەعس، لە ناخمدا، برینێکی تر دەکولێتەوە، ئەویش زامی ئەو تاوانبارانەیە کە لەکاتی مەرگەساتەکەدا، بەناو شارەکەدا گەڕاون و تەرم تەرم هەڵیانداونەتەوە و ملوانکەی ژنان و ئەنگوستی دەستیان و سەعاتەکانیان کۆکردووەتەوە، دەستی تاوانیان بردووەتە گیرفانی قوربانیەکان و پارەکانیان دزیوە."

 

ئاماژەی بەوەشکردووە، "لە خەڵکی باوەڕپێکراوم بیستووە کە تاوانباری وا هەیە (هەن ماوون و هەشن نەماوون) پەنجەی ئاوساوی دەستی ژنانیان بڕیوە، هەتا ئەڵقە و ئەنگوستیلەکانیان ببەن ماڵانیان تاڵان کردووە و لە رۆژهەڵاتی کوردستاندا فرۆشتویانە."

 

مەلا بەختیار ئەوەشی خستووەتەڕوو، " لەم تاوانبارانە هەیە کاربەدەستن و پلەی سەربازی گەورەیان هەیە، من ئێستاش قسەیان لەگەڵ ناکەم."