گه‌ڕان

Shadow Shadow
سیاسه‌تی

وردەکاری

’’هێرشم کردە سەر و بێدەنگم کرد’’.. وردەکاریی شەڕەکەى پەرلەمانی عێراق

2021.03.15 - 22:43
App store icon Play store icon Play store icon
’’هێرشم کردە سەر و بێدەنگم کرد’’.. وردەکاریی شەڕەکەى پەرلەمانی عێراق

ناس کورد-
ناسر هەرکى، پەرلەمانتارى پارتى لە پەرلەمانى عێراق وردەکاریی شەڕەکەى خۆى لەگەڵ پەرلەمانتارێکى سەربەخۆی شیعەکان گێڕایەوە و دەڵێت، هێرشى کردووەتە سەر و بێدەنگى کردووە.

کەناڵی ناس کورد لە تێلیگرام جۆین بکە   

 

ئەمشەو دواى تەواونەبوونى ڕێژەى یاسایی بۆ دەستپێکردنى کۆبوونەوەى پەرلەمان بۆ دەنگدان لەسەر پڕۆژەیاساى دادگاى فیدراڵى، سەرۆکى پەرلەمان ویستى لەگەڵ فراکسیۆنە کوردییەکان کۆبێتەوە بۆ گەیشتن بە ڕێککەوتن، بەڵام گرژى و ئاڵۆزى لەنێوان هەردوو پەرلەمانتار ناسر هەرکى و یوسف کلابی روویدا.

 

ناسر هەرکى، پەرلەمانتارى پارتى لە لێدوانێکیدا بۆ "ناس کورد" ڕایگەیاند، سەرۆکى پەرلەمان ویستویەتى لەگەڵ سەرۆکى فراکسیۆنە کوردییەکان کۆبێتەوە بۆ گەشتن بە رێککەوتن، بەڵام هەندێک لە پەرلەمانتاران دژى کورد وەستاونەتەوە.

 

وتیشى، "یوسف کلابی لەگەڵ یەکێک لە پەرلەمانتارانى ئێمە کێشەى هەبوو، بەدەنگى بەرز هاواریکرد و بێڕێزى بە قەوارەى هەرێم و سمبولەکانى هەرێم کرد، بۆیە هێرشم کردە سەر و بێدەنگم کرد، دواتر زۆربەى سەرۆکى کوتلە شیعییەکان هاتن داواى لێبوردنیان کرد و کێشەکە کۆتایی هات".

 

تا ئێستا یوسف کلابی کە پەرلەمانتارى شیعەیە و پیشتر لە هاوپەیمانێتی نەسری عەبادی بووە و ئێستا خۆی بە سەربەخۆی دەناسێت هیچ قسەیەکى لەو بارەیەوە نەکردووە.

 

کلابی پێشتر هەرێمى کوردستانى تۆمەتبارکردبوو بەوەى رێگرە لەبەردەم تێپەڕاندنى پرۆژە یاساى دادگاى فیدراڵى کە فراکسیۆنەکان ناکۆکن لەسەرى.