گه‌ڕان

Shadow Shadow
سیاسه‌تی

داوایەکی بەپەلە

پەکەکە لەبارەى بانگەشەى ’’مردنى’’ ئۆجەلان داوایەکى بەپەلەی ڕاگەیاند

2021.03.15 - 18:03
App store icon Play store icon Play store icon
پەکەکە لەبارەى بانگەشەى ’’مردنى’’ ئۆجەلان داوایەکى بەپەلەی ڕاگەیاند

ناس کورد-

بڵاوبوونەوەى دەنگۆى مردنى عەبدوڵا ئۆجەلان لە زیندان پارتى کرێکارانى کوردستان (پەکەکە) ى نیگەران کردووە و داواى ئاشکراکردنى چارەنوسی دەکەن.

کەناڵی ناس کورد لە تێلیگرام جۆین بکە   

 

شەوى رابردوو ژمارەیەک میدیا و پەیجە تورکییەکان لە تۆڕە کۆمەڵایەتییەکان بانگەشەى مردنى ئۆجالانیان لە زیندانى ئیمراڵى بڵاوکردەوە، بەڵام تا ئێستا هەواڵەکە پشتڕاستنەکراوەتەوە.

 

دیوانی هاوسەرۆکایەتی جڤاکی دیموکراتی ئەوروپا 'کەجەدەکە-ئەوروپا' سەبارەت بە بانگەشەکانی سەر ژیانی عەبدوڵا ئۆجەلان لە ڕاگەیەنراوێکدا کە وێنەیەکى دەست "ناس کورد" کەوتووە ڕایگەیاند، شەوی 14ی ئەم مانگە ژمارەیەک میدیای دیجیتاڵی سەبارەت بە ژیانی ئۆجالان هەواڵیان بڵاوکردەوە، ئەوەش نیگەرانییەکانیانی چەندین جار زیاتر کردووە.

 

ئاماژەى بەوەشکردووە، لێدوانی دۆزگەری تورک لە بۆرسا دەربارەی ژیانی ئۆجالان نیگەرانیەکەی ئەوان ناڕەوێنێتەوە چونکە "بەشێوازێکی سیستەماتیکی و قورس لە ئیمرالی گۆشەگیری بە سەریدا سەپێنراوە و بەو هۆیشەوە هیچ زانیارییەک لەبارەیەوە نازانرێت و چارەنوسی نادیارە".

 

کەجەدەکە داواى لە لایەنگرانى کردووە تا بەپەلە بڕژێنە شەقام و مەیدانەکان و داوای ئاشکراکردنی چارەنوسی ئۆجالان بکەن و تا ئەوەش ڕوونەدات شەقام و مەیدانەکان چۆڵ نەکەن.

 

بانگەشەکان لەبارەى مردنى ئۆجەلان لەکاتێکدایە، نزیکەى دوو ساڵە رێگە بە سەردانى کەسوکار و پارێزەرانى نادرێت سەردانى ئۆجەلان بکەن لە زیندان و چارەنوسى بەنادیارى ماوەتەوە.

 

ژورى یاسایی سەدە کە چاودێرى رەوشى ئۆجەلان دەکات لە زیندان لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە "دەربارەی ژیانی ئۆجەلان لەسەر هەندێک تۆڕی کۆمەڵایەتی هەندێک بەنگەشە کراوە. ماوەیەکی درێژە کە ئێمە ناتوانین لە ئیمرالی ببینین، هەربۆیە هەر بانگەشەیەک دەکرێت وامان لێدەکات کە بەجیدی وەری گرین و لێکۆڵینەوەی لە سەردەکەین".

 

جەختیشیکردووەتەوە، تاکە رێگەی کۆتایی هێنان بەو نیگەرانیانە ئەوەیە کە لە کاتێکى هەرە نزیکدا دەرفەتی پەیوەندی لەگەل ئیمڕاڵیدا درووست بکرێت.