گه‌ڕان

Shadow Shadow
سیاسه‌تی

لە شاخی شنگال شەڕ ڕوویدا و فەرماندەیی ئۆپراسیۆنەکان زانیاری دەخاتەڕوو

2021.03.14 - 10:44
App store icon Play store icon Play store icon
لە شاخی شنگال شەڕ ڕوویدا و فەرماندەیی ئۆپراسیۆنەکان زانیاری دەخاتەڕوو

ناس کورد-

فەرماندەیی ئۆپراسیۆنە هاوبەشەکانی سەر بە سوپای عێراق ڕایگەیاند، شەوی ڕابردوو هەوڵێکی گروپێکی چەکداریی داعشیان شکست پێهێناوە کە ویستوویانە لە سوریاوە و لە ڕێگەی شاخی شنگالەوە بینە عێراق.

کەناڵی ناس کورد لە تێلیگرام جۆین بکە   

 

فەرماندەیی ئۆپراسیۆنە هاوبەشەکان لە ڕاگەیەنراوێکدا کە کۆپییەکی دەستی "ناس کورد" کەوتووە (14ی ئازاری 2021) دەڵێت، "شەوی ڕابردوو هێزەکانی فەوجی سێی لیوای شەش لە فەرماندەیی پاسەوانیی سنور هەوڵێکی گروپێکی تیرۆرستیی داعشیان بۆ دەربازبوون لە سوریاوە بۆ عێراق شکستپێهێناوە."

 

دەشڵێت، "ئەو گروپە ویستوویانە لە ناوچەی دوکجی لە ڕۆژئاوای شاخی شنگالەوە بێنە ناو خاکی عێراق."

 

فەرماندەییەکە باسی لەوەشکردووە کە "دواتر فەوجی سێ لەگەڵ گروپێکی تری داعش لەناو شاخی شنگالدا بە شەڕ هاتوون و ئەو گروپەش ناچار کراون بەرەو بەری سوریا هەڵبێن."

 

جەختیشی کردووەتەوە کە "پاڵەوانانی پاسەوانیی سنور سەرجەم ڕێکارەکانیان گرتووەتەبەر بۆ ڕێگری لە دزەکردنی و تێپەڕبوونی گروپە تیرۆرستییەکان لەسەر سنور."