گه‌ڕان

Shadow Shadow
سیاسه‌تی

ڤیدیۆکە ببینە

بەڤیدیۆ؛ چۆنێتی ئاشكرابوونی و ساتی داخستنی دوکانەکانی شێنێ هۆشیار بڵاوکرایەوە

2021.03.13 - 22:26
App store icon Play store icon Play store icon

ناس کورد-

لیژنە هاوبەشەکانی قایمقامیەتی سلێمانی، دوو دوکانی جلوبەرگ و نوسینگەیەکییان بەناوی "شێنێ" داخست کە تیایدا بەنایاسایی گیادەرمانیان دروستکردووە.

کەناڵی ناس کورد لە تێلیگرام جۆین بکە   

 

لیژنە هاوبەشەکانی قائیمقامییەتی سلێمانی ڤیدیۆی چۆنێتی ئاشكراکردنی کارەکە و داخستنی فرۆشگاکەی "شێنێ"یان بڵاوکردووەتەوە کە خاوەنەکەی کچەمۆدێلێکی شاری سلێمانییە بەناوی "شێنێ هۆشیار".

 

لە ڕاگەیەنراوێکدا لەشکر حەمید، سەرۆکی لیژنە هاوبەشەکانی قایمقامیەتی سلێمانی (شەممە 13ی ئازاری 2021) رایگەیاند،  "لەسەر زانیاری ئاسایشی سلێمانی- بەشی دامودەزگا، لیژنه‌كانی قائیمقامیه‌ت له‌ دوو شوێنی فرۆشتنی جلوبه‌رگ و نوسینگه‌یه‌كی كڕینی فرۆشتنی خانوو، ده‌ستییان به‌سه‌ر بڕێكی زۆر گیاده‌رمانییدا گرتووه‌." 

 

ئاماژەی بەوەشکردووە، گیاده‌رمانه‌كان بۆ كه‌مكردنه‌وه‌ی كێش به‌كارده‌هێنرێت، به‌ڵام نازانرێت پێكهاته‌كه‌ی له‌چی دروستكراوه‌ و له‌رێی په‌یجه‌كانی تۆڕه‌ كۆمه‌ڵایه‌تییه‌كانه‌وه‌ به‌سه‌ر هاوڵاتیاندا ساغده‌كرێته‌وه‌." 

 

رونیشیکردووەتەوە‌، "له ‌كاتی سه‌ردانی لیژنه‌كه‌ بۆ شوێنه‌كان، ده‌كه‌وتوه‌ خاوه‌ن شوێنه‌كه‌ و ئه‌و كارمه‌ندانه‌ی له‌وێ ئیش ده‌كه‌ن، گیاده‌رمانه‌كان دروست ده‌كه‌ن." 

 

سه‌رۆكی لیژنه‌كه‌ داوای له‌ به‌كارهێنه‌رانه‌رانی به ‌گشتی و خانمان ئه‌و جۆره‌ ده‌رمانانه‌ كردووە، تەنها لە شوێنە فەرمی و ڕێگە پێدراوەكان و كەسانی پسپۆڕ و شارەزا ده‌رمان بكڕن و به‌كاری بهێنن، به‌پێچه‌وانه‌وه‌ زیان به‌ ته‌ندروستییتان ده‌گه‌یه‌نێت. 

 

ئاماژه‌ی بۆ ئه‌وه‌شكردووە به‌فه‌رمانی قائیمقامی سلێمانی، ده‌ست به‌سه‌ر ته‌واوی گیا ده‌مانه‌كاندا گیراوه‌ و هه‌ر سێ شوێنه‌كه‌ش داده‌خرێت و خاوەنەکەشی روبەروی رێكاری یاسا دەکرێتەوە.