گه‌ڕان

Shadow Shadow
سیاسه‌تی

زانیاری زیاتر

هۆکاری کوشتنی خێزانە حەوت کەسییەکەی سەڵاحەدین ئاشکراکرا

2021.03.13 - 20:13
App store icon Play store icon Play store icon
هۆکاری کوشتنی خێزانە حەوت کەسییەکەی سەڵاحەدین ئاشکراکرا

 ناس کورد- 

فەرماندەیی ئۆپەراسیۆنە هاوبەشەکانی عێراق ڕایگەیاند، ئەو تاوانەی کە دوێنێ (هەینی) بوو بەهۆی کۆشتنی شەش کەس لە گوندێکی سەر بەسنوریی پارێزگای سەلاحەدین، لەلایەن چەکدارانی داعشەوە ئەنجامدراوە، ئاماژەی بەوەشکرد، ئەو خێزانە ڕەتیانکردووەتەوە بگەڕێنەوە ناو ئەو رێکخراوانە، بۆیە ڕێکخراوەکە کوشتویانن.

کەناڵی ناس کورد لە تێلیگرام جۆین بکە   

 

تەحسین خەفاجی، وتەبێژی ئۆپەراسیۆنە هاوبەشەکانی عێراق ( 13ی ئازاری 2021) لە لێدوانێکدا بۆ ئاژانسی فەرمیی عێراق کە "ناس کورد" بەدواداچوونی بۆکردووە، هۆکاری کوشتنی ئەندامانی ئەو خێزانەی کە دوێنێ ( هەینی) لە گوندی ( ئەلبودۆر) ئاشکراکرد و ڕایگەیاند، " ئەو خێزانە ڕەتیانکردووەنەوە جارێکی دیکە بگەڕێنەوە ناو ڕێکخراوی داعش، بۆیە ڕێکخراوەکە وەک توڵەسەندنەوە ئەو تاوانە قێزەونەی ئەنجامداوە".

 

وتیشی، " شاندێکی ئەمنی بەسەرۆکایەتی عوسمان غانمی، وەزیری ناوخۆ گەیشتووەتە پارێزگای سەڵاحەدین بەمەبەستی ئاگاداربوون لەئەنجامی لێکۆڵینەوەکان لە نزیکەوە".

 

خەفاجی ئەوەشی وت، "هێزە ئەمنییەکان لە چەند ڕۆژی داهاتوودا کاری زۆریان هەیە لە دژی بوونی چەکدارانی ئەو ڕێکخراوە" .

 

دوێنێ ( هەینی 12ی ئازاری 2021 ) شانەی راگەیاندنەکانی ئەمنیی عێراق ڕایانگەیاند، لە ئاکامی هێرشێکی چەکداریدا لەگوندی (ئەلبودۆر)ی سەر بە قەزای تکریتی ناوەندی پارێزگای سەلاحەدین، حەوت کەس کە ئەندامی یەک خێزانن بوون لەلایەن ڕێکخراوی داعشەوە بەدەسترێژی گولە کوژران.