گه‌ڕان

Shadow Shadow
سیاسه‌تی

وردەکاری بخوێنەوە

تۆمەتباری چوارەمی کوشتنی هاووڵاتیە عەرەبەکە خۆی ڕادەست کرد

2021.03.13 - 13:29
App store icon Play store icon Play store icon
تۆمەتباری چوارەمی کوشتنی هاووڵاتیە عەرەبەکە خۆی ڕادەست کرد

ناس کورد-
ئاسایشی ڕۆژئاوای سلێمانی ڕایگەیاند، "لەژێر فشاردا" تۆمەتباری چوارەم لە کەیسی کوشتنی (هاوڵاتیەکی عەرەب کە بۆ گەشتکردن لەگەڵ دوو منداڵ و ئامۆزایەکی خۆی ڕووی لە هەرێمی کوردستان کردبوو لەلایەن چوار کەسەوە کوژرا، خۆی ڕادەستکرد.

کەناڵی ناس کورد لە تێلیگرام جۆین بکە   

 

بەڕێوەبەرایەتی ئاسایشی ڕۆژئاوای سلێمانی لە ڕاگەیەنراوێکدا کە وێنەیەکی دەست "ناس کورد" کەوتووە (13ی ئازاری 2021) ڕایگەیاندووە، دوای دەستگیرکردنی سێ کەس لەلایەن هێزەکانمانەوە لە 8 و 9ی ئازاری 2021 بەتۆمەتی دزیکردن و ڕێگریکردن و تەقەکردن و ڕوتکردنەوەی هاوڵاتیان و کوشتنی کەسێکی عەرەب، ڕۆژی هەینی، 12ی ئازاری 2021، تۆمەتباری چوارەم بەناوی ( ب، ڕ، ش) دانیشتوی ناحیەی شۆڕشی سەر بەقەزای چەمچەماڵ لەژێر فشاردا خۆی ڕادەستی هێزەکانمان کرد.


باس لەوەشکراوە، تۆمەتبارەکان لەکاتی لێکۆڵینەوەدا دانیان بە تاوانەکانیاندا ناوە و ئاماژەیان بۆ ئەوەکردوە سەرجەمیان بەشداربوون لە داڕشتنی پلان و ئەنجامدانی تاوانەکاندا و چوار کەس بوون کەماوەی چەندین مانگە بەردەوامن لەڕێگای نێوان چەمچەماڵ، تەکیەی کاکەمەنددا.

 

دواتر بەبڕیاری دادوەری دادگای لێکۆڵینەوەی چەمچەماڵ بەماددەی (٤۰٥) ڕاگیراون.


ئاماژە بەوەشکراوە، ئەو ئۆتۆمبێل و چەکانەشی تاوانەکەی پێ ئەنجامدراوە دەستی بەسەردا گیراوە.

May be an image of standing

پێشتر لە ڕاگەیەنراوێکدا بەڕێوەبەرایەتی ئاسایشی ڕۆژئاوای سلێمانی (11ی ئازاری 2021) دەستگیرکردنی سێ کەسی بەتۆمەتی کوشتن و ڕێگریکردن و بڕینی گیرفانی هاوڵاتیان ڕاگەیاندو باسی لەوەشکردووە، دوای ئەوەی زانیاریمان بەدەست گەیشت کە گروپێکی چەکداری کەپێکهاتون لە چوار کەس لەڕێگای نێوان چەمچەماڵ تەکیەی کاکەمەند هەستاون بەڕێگریکردن و بڕینی گیرفانی هاوڵاتیان وە کوشتنی هاوڵاتیەکی عەرەب بەناوی (ی ، ھ ، ع ) لە 5ی ئازاری 2021 بەسەرپەرشتی ڕاستەوخۆی بەڕێوەبەری بەڕێوەبەرایەتیمان هێزەکانمان کەوتنە کۆکردنەوەی زانیاری و بەدواداچون سەرەنجام لە 8ی ئازاری 2021 دووکەس بەناوەکانی ( ب،ل،ح) و (ح، ب، و) و لە ڕۆژی دواتر کەسێکی دیکە بەناوی (د، أ ، ش) دەستگیرکران کە سەرجەمیان خەڵکی قەزای چەمچەماڵن.


باسی ئەوەشی کردووە، تاوانلێکراوەکە بەڕەچەڵەک عەرەبە و خەڵکی پارێزگای (بەغدا)ە و دوو منداڵی خۆی و ئامۆزایەکی لەگەڵدابووە ویستویانە بۆ گەشتکردن بچن بۆ شاری سلێمانی.