گه‌ڕان

Shadow Shadow
سیاسه‌تی

وردەکاریى

داواکارى عێراق بۆ کڕینى دوو ملیۆن ڤاکسینى چینى ئاشکرا بوو

2021.03.12 - 22:01
App store icon Play store icon Play store icon
داواکارى عێراق بۆ کڕینى دوو ملیۆن ڤاکسینى چینى ئاشکرا بوو

  ناس کورد- 

وەزارەتى دەرەوەى عێراق بەفەرمى داواى کڕینى دوو ملیۆن بەش لەڤاکسینى دژە کۆرۆناى چینى خستەڕوو، لەوەڵامى ئەو داواکارییەشدا چین ئامادەى خۆى دەربڕى بۆ ڕەوانەکردنى یەکەم گوژمەى ڤاکسینەکە لەمانگى نیساندا.

 

کەناڵی ناس کورد لە تێلیگرام جۆین بکە   

 

وەزارەتى دەرەوەى عێراق (12ى ئازارى 2021) لەڕاگەیەنراوێکدا کە وێنەیەکى دەست "ناس کورد" کەوتووە ڕایگەیاند، لەمیانەى پەیوەندییەکى تەلەفۆنیدا فوئاد حوسێن، وەزیرى دەرەوە لەگەڵ هاوتا چینیەکەیدا وانگ ییى، تاوتوێى چۆنیەتى قۆناغى کۆنترۆڵکردنى پەتاى کۆرۆنا و بەدەستهێنانى ڤاکسینى دژە کۆرۆناى ئەو وڵاتە کراوە بۆ عێراق.

 

ئاماژە بۆ ئەوەش کراوە، وەزیرى دەرەوەى چین ئامادەیى ڕەوانەکردنى 200 هەزار بەشى ترى لەڤاکسینەکە بۆ عێراق دەربڕیوە کە لەماوەیەکى نزیکدا ڕەوانەى دەکەن و ئامادەیى وڵاتەکەشى بۆ پاڵپشتیکردنى عێراق ڕاگەیاندووە.

هەر بەپێى ڕاگەیەنراوەکە، فوئاد حوسێن پێشنیارى کڕینى دوو ملیۆن بەشى لەڤاکسینە چینیەکە خستووەتە ڕوو و لەوەڵامیشدا وەزیرە چینیەکەش وتویەتى حکومەتى چین داوا لەکۆمپانیا پەیوەندیدارەکان دەکات بۆ ئەوەى بەشێوەى گوژمە ئەو داواکارییە ڕێکبخرێت و لەمانگى نیساندا یەکەمین گوژمەى بگات.

 

وەزارەتى دەرەوەى عێراق باسى لەوەش کردووە، هەردوولا لەسەر ڕەوانەکردنى شاندى تەندروستى بۆ چاودێریکردنى ڕێوشوێنە پێویستیەکان ڕێککەوتوون.

 

بەپێى ڕاگەیەنراوەکەى وەزارەتى دەرەوەى عێراق بەشێکى ترى پەیوەندییە تەلەفۆنییەکەى هەردوو وەزیر، تەرخانکراوە بۆ پتەوکردنى پەیوەندییە بازرگانییەکانى نێوان هەردوو وڵات و ڕۆڵى کۆمپانیا چینیەکان لەعێراقدا و وەزیرى دەرەوەى چینیش ئەوەى ڕایگەیاندووە کە کۆمپانیا چیینەکان عێراقیان جێنەهێشتووە سەربارى مەترسییەکانى پەتاکە و بۆ پاڵپشتیکردنى ئابوورى عێراق دەمێننەوە.