گه‌ڕان

Shadow Shadow
سیاسه‌تی

وردەکاریى

ڕاستى و دروستى دزینى کورسییەکەى پاپا لە عێراق

2021.03.12 - 19:32
App store icon Play store icon Play store icon
ڕاستى و دروستى دزینى کورسییەکەى پاپا لە عێراق

ناس کورد-

دواى کۆتایهاتنى سەردانەکەى پاپا، لەتۆڕە کۆمەڵایەتیەکانەوە دزینى کورسیەکەى پاپا لەشارى ئوور بووەتە باس وخواسێکى گەرم، لەسەر ئەو ڕوداوەش ڕوونکردنەوەیەک بڵاودەکرێتەوە.

 

کەناڵی ناس کورد لە تێلیگرام جۆین بکە   

 

ماڵپەرى (روسیا ئەلیەوم) (12ى ئازارى 2021) لە هەواڵێکدا کە "ناس کورد" بەدواداچوونى بۆ کردووە بڵاوى کردەوە، دواى کۆتایى هاتنى سەردانەکەى پاپا فرانسیس بۆ عێراق، لەتۆڕە کۆمەڵایەتیەکانەوە لەلایەن چالاکانەوە ئەوە بڵاو کرایەوە، ئەو کورسیەى کە پاپا لەدیدارى ئاینەکاندا لە شارى ئوورى عێراق لەسەر دانیشتبوو، دزراوە.

 

لەلایەن ئەو چالاکانەوە پەنجەى تۆمەت بۆ ئەو کۆمپانیا لوبنانیە  درێژکرا کە ڕێوڕەسمەکەى هاتنى پاپاى بۆ شارەکە ڕێکخستبوو هەر ئەوەش گوایە کورسیەکەى دزیوە.

 

ئەوەش خراوەتە ڕوو، بەپێى پڕۆتۆکۆڵەکان دەبووایە دواى کۆتایهاتنى سەردانەکەى ئەو کورسیە بخرێتە مۆزەخانەى شارى زیقاڕەوە.

 

لەکاردانەوەى ئەو دەنگۆیانەشدا، کۆمپانیاى نەوتى زیقاڕ ڕونکردنەوەیەکى بڵاوکردەوە و ڕایگەیاند، کورسیەکە نەدزراوە و بۆ کۆمپانیاکە گەڕاوەتەوە.