گه‌ڕان

Shadow Shadow
سیاسه‌تی

زانیارى زیاتر

ئەبوبەکر هەڵەدنى لەبارەى رونکردنەوەکەى وتەبێژى یەکگرتوو هاتە دەنگ

2021.03.12 - 18:22
App store icon Play store icon Play store icon
ئەبوبەکر هەڵەدنى لەبارەى رونکردنەوەکەى وتەبێژى یەکگرتوو هاتە دەنگ

ناس کورد-

دواى ڕاگەیەنراوەکەى وتەبێژى حزبەکەى کە خۆى لەچەند لێدوانێکى بێ بەرى دەکات، ئەبوبەکر هەڵەدنى ڕایدەگەیەنێت، شانازى بەو قسانەمەوە دەکەم و بەرگریم لەشوناس و شکۆى میلەتەکەمەوە کردووە.

 

کەناڵی ناس کورد لە تێلیگرام جۆین بکە   

 

ئەبوبەکر هەڵەدنى، ئەندامى پەرلەمانى کوردستان لە فراکسیۆنى یەکگرتوو (12ى ئازارى 2021) لەلێدوانێکدا بە "ناس کورد"ى ڕاگەیاند" پێش ڕاگەیەنراوەکەى وتەبێژى یەکگرتوو لەسەر چەند لێدوانێکم لەسەر هەڵوێستەکانى دەوڵەت باخچەلى هیچ کەسایەتیەکى یەکگرتوو قسەى لەگەڵدا نەکردووم و ناشزانم سەرچاوەى ئەو ڕاگەیەنراوە چییە".

 

هەڵەدەنى وتیشى "وەڵامەکەى وتەبێژى یەکگرتوو پەیوەندى بەقسەکانى منەوە هەیە لەسەر دەوڵەت باخچەلى و شانازى بەو قسانەمەوە دەکەم چونکە بەرگریم لەناسنامەى میلەتەکەم کردووە و هەروەها بەرگریم لەنەخشە و شکۆ و شوناسى میلەتەکەم کردووە ". 

 

هەڵەدنى جەختیش لەوە دەکاتەوە پرەنسیپ لەلاى مرۆڤ گەورەترە و دەشبێت هەموو شتێک بکرێتە قوربانیى پرەنسیپەکان.

 

وتەکانى ئەبوبەکر هەڵەدنى دواى ئەوە هات، دوا نیوەڕۆى ئەمڕۆ هەینى، لەڕاگەیەنراوێکدا وتەبێژى یەکگرتووى ئیسلامى کوردستان ڕایگەیاند، لێدوانەکانی چەند ڕۆژی ڕابردووی بەڕێز ئەبوبەکر هەڵەدنی یٔەندامی پەرلەمانی کوردستان ، ڕای کەسیی خۆیەتی و گوزارشت نیە لە ڕای  یەکگرتووی ئیسلامی کوردستان و فراکسیۆنەکەی .

 

دروستکردنى پولێک بەمەبەستى ڕێکخستنى سەردانەکەى پاپا بۆ هەرێمى کوردستان کە نەخشەى کوردستانى گەورەى لەسەرە، کاردانەوەى تورکیا بەدواى خۆیدا هێناو لەو میانەشدا دەوڵەت باخچەلی، سەرۆکی پارتی بزوتنەوەی نەتەوەپەرستى (مەهەپە) سوکایەتى و بێڕێزى بە نەخشەى کوردستانەوە کرد و لەبەرامبەردا ئەبوبەکر هەڵەدنى لەئەکاونتەکەى فەیسبوکەکەیەوە ڕایگەیاند :"بۆ دەوڵەت باخچەلی سەرۆکی پارتی بزوتنەوەی نەتەوەپەرستی تورکی  (مەهەپە)، نەخشەی کوردستانی گەورە لەناودڵماندایەو کەلەی پوتی ئێوەی ڕەگەزپەرستی قین لەدڵ لەژێر پێڵاوی پێشمەرگەو گەریلاو شەڕفانە گیان لەسەردەستەکانی کوردستان‌و هەموو کوردێكی بەشەرەفدایە."