گه‌ڕان

Shadow Shadow
سیاسه‌تی

وەڵامێکی جەلال تاڵەبانی بۆ خوێندکارێکی تورک لەبارەی کوردستانەوە ئاشكرادەکرێت

2021.03.12 - 09:43
App store icon Play store icon Play store icon
وەڵامێکی جەلال تاڵەبانی بۆ خوێندکارێکی تورک لەبارەی کوردستانەوە ئاشكرادەکرێت

ناس کورد-

ئه‌ندامێكی پێشوی په‌رله‌مانی عێراق، وه‌ڵامێکی جه‌لال تاڵەبانی، سەرۆک کۆماری پێشووتری عێراق له‌باره‌ی ناوی كوردستان بۆ خوێندكارێکی توركیا ئاشكراده‌كات و دەڵێت، بە خوێندکارەکەی وتووە، " کوردستان ئێمە دروستمان نەکردووە خوا دروستی کردووە، پێش ئێوە بە هەزاران ساڵ کوردستان هەبووە".

کەناڵی ناس کورد لە تێلیگرام جۆین بکە   

 

لەتیف مستەفا، ئەندامی پێشووی پەرلەمانی عێراق لە نوسینێکدا لەژێر ناونیشانی "پەشیمان مەبنەوە تکایە، بەزمانی خۆیان وەڵامیان بدەنەوە" لە فەیسبوکی فەرمیی خۆی نوسیویەتی، جارێک مام جەلال لە وەڵامی قوتابیەکی تورکدا وتی، "کوردستان ئێمە دروستمان نەکردووە خوا دروستی کردووە،  لەسەر بینای یەکەم پەرلەمانی تورکیا ناوی ھەبووە، پێش ئێوە بەھەزاران ساڵ کوردستان ھەبووە، بڕۆن سەیری نەخشەکانی عوسمانی بکەن ناوی کوردستانی بەکارھێناوە ."

 

لەتیف مستەفا ئاماژەی بەوەشکردووە، "سەیرکەن ئەوانی داگیرکەر بە ئۆپۆزسێۆن و دەسەڵاتەوە نەخشەی کوردستانمان تەنانەت لەسەر  پولیش پێ ڕەوا نابینن، کەچی ئێمەش لەتکە ھەرێمۆکەیەکمان  ھەیە، بەبیانوی دژایەتی دەسەڵاتی گەندەڵ و بۆ مەبەستی سیاسی ئینتیخابی دەیانەوێ دولەتی بکەن و بیدەنەوە بە بەغدا، ئاخر لە خۆڕا نیە ئەوانێک لەوسەری دنیاوە ھاتون و  خاکی ئێمەیان داگیرکردوەو بونەتە خاوەن ماڵ ،ئێمەش لەسەر خاکی خۆمان بوینە  غەریبە."