گه‌ڕان

Shadow Shadow
سیاسه‌تی

وردەکاریى

بەرپرسێکى ئێران سیناریۆکانى وڵاتەکەى بۆ روبەڕوبونەوەى ئەمەریکا ئاشکرا دەکات 

2021.03.10 - 23:42
App store icon Play store icon Play store icon
بەرپرسێکى ئێران سیناریۆکانى وڵاتەکەى بۆ روبەڕوبونەوەى ئەمەریکا ئاشکرا دەکات 

ناس کورد- 

ياریدەدەرى تایبەت بۆ کاروبارى دەرەوەى ئەنجومەنى نوێنەرانى ئێران ڕایگەیاند، ئەگەر سزاکانى سەر ئەمەریکا بەردەوام بن ئەوا وڵاتەکەى پەتا بۆ چەند سیناریۆیەکى نوێ دەبات.

 

کەناڵی ناس کورد لە تێلیگرام جۆین بکە   

 

ئەمیر عەبدولـلەهیان، ياریدەدەرى تایبەت بۆ کاروبارى دەرەوەى ئەنجومەنى نوێنەرانى ئێران (چوارشەممە، 10ى ئازارى 2021) لە لێدوانێکى بۆ ئاژانسى تەسنیمى وڵاتەکەى کە "ناس کورد" بەدواداچوونى بۆ کردووە ئاماژەى بەوە کرد، ئەگەر ولایەتە یەکگرتوەکانى ئەمەریکا سزا ئابوریەکانى سەر ئێران لانەبات، ئەوا پەنا بۆ جێبەجێکردنى چەند سیناریۆیەکى نوێ دەبەن.

 

ئەو بەرپرسە ئێرانیە وردەکارى سیناریۆکانى ئاشکرا نەکرد، بەڵام ماڵپەڕى "ئێران ئینتەرناشناڵ" بڵاویکردوەتەوە، قسەکانى عەبدولـلەهیان هاوکاتە لەگەڵ ئەوەى عەلى ئەکبەر ساڵحى سەرۆکى دەستەى وزەى ئەتۆمى ئێران رایگەیاند، کاتێک باسى لەوەکرد کە تاران 2500 کیلۆگرام یۆرانیۆمى پیتێنراوى هەڵگرتووە.

 

ئەو بڕە یۆرانیۆمەى ئێران رایگەیاندووە زۆر زیاترە لەو ڕێژەیەى کە لە ڕێککەوتنى ئەتۆمیدا هاتووە و 300 کیلۆگرامە.

 

لەسەردەمى دۆناڵد ترامپ سەرۆکى پێشوو لەساڵى 2018، ئەمەریکا لە ڕێککەوتنى ئەتۆمى کشایەوە بەڵام دواى ئەوەى جۆ بایدن دەسەڵاتى وەرگرت، هەریەکە لە دەوڵەتانى فەرەنسا و ئەڵمانیا و بەریتانیاش دەستیان کردوە بە کارکردن لەسەر ڕێککەوتنەکە.

 

پێشتریش ئەمەریکا پێشنیارى کۆبونەوەیەکى نافەرمى نێوان هەرسێ وڵاتەکە و ئێرانى کرد، بەڵام تاران سورە لەسەر ئەوەى گفتوگۆکان لەچوارچێوەى بەندەکانى ڕێککەوتنى ئەتۆمى بێت و ئەو کۆت و بەندانەى لە چوارچێوەى سیاسەتى "ئەوپەڕى فشار"ى دۆناڵد ترامپ سەپاندوویەتى لاببرێن.

 

هەفتەى پێشووش نید برایس وتەبێژى وەزارەتى دەرەوەى ئەمەریکا بێهیوایى وڵاتەکەى لەوە پیشاندا کە تاران نایەوێت بەشدارى لە گفتوگۆ نافەرمییەکان بکات لەگەڵ ئەمەریکا، وتیشى "ئەوەى جەختی لێ دەکەینەوە ئەوەیە کە نابێت تاران ببێتە خاوەنى چەکى ئەتۆمى، ئەوەش ئامانجى ستراتیژیمانە".