گه‌ڕان

Shadow Shadow
سیاسه‌تی

وردەکاریى

نوێنەرایەتی هەدەپە لە هەرێم: ئاسایش داوای کاری سیخوریمان لێدەکات 

2021.03.10 - 23:08
App store icon Play store icon Play store icon
نوێنەرایەتی هەدەپە لە هەرێم: ئاسایش داوای کاری سیخوریمان لێدەکات 

ناس کورد-

نوێنەرایەتیی هەدەپە لە باشوری کوردستان ڕایگەیاند، لە هەولێر و زاخۆ و دهۆک فشارێکی زۆر لەسەر ئەندامەکانیان هەیە و ئاسایش داوای کاری سیخوڕییان لێدەکات.

 

کەناڵی ناس کورد لە تێلیگرام جۆین بکە   

 

خانەوادەی هەریەک لە نیعمەت گونەش و حەسەن کاچار ئەندامانی هەدەپە کە زیاتر لە مانگێکە لەلایەن ئاسایشی هەولێرەوە یەکێکیان دەستگیرکراوە و ئەوی دیکەش داوایان لێکردوە هەولێر بەجێبهێڵێت، سەردانی نوێنەرایەتیی هەدەپەیان کرد لە شاری هەولێر و باسیان لەو هەوڵانەکرد، کە پێویستە بۆ ڕاگرتنی فشارەکان بگیرێنە بەر.

 

مزگین ئاری، ئەندامی نوێنەرایەتیی هەدەپە لە باشووری کوردستان (10ی ئازاری 2021)، لە لێدوانێکدا بۆ میدیایەکی نزیک لە پارتی کرێکارانی کوردستان کە "ناس کورد" بەدواداچوونی بۆ کردووە ڕایگەیاند "چوار مانگە لەهەولێر، زاخۆ و دهۆک فشارێکی زۆر دەخرێتە سەر ئەندامەکانمان، یەک یەک بانگییان دەکەن بۆ ئاسایش، باسی لەوەشکرد، کە ئەندامەکانیان لەسەر فکرێکی سیاسیی، لەلایەن دەوڵەتی تورکی داگیرکەرەوە ئازار دەدرێن، ئەوانیش لە باکوورەوە هاتوونەتە باشووری کوردستان کە ماڵی خۆیانە، با ئێرەشیان لێنەکرێت بە زیندان".

 

ئەندامەکەی هەدەپە ئەوەشی وت "شەرمەزارییە، کاتێک ئەندامەکانمان بانگدەکەن بۆ ئاسایش، داوایان لێدەکەن سیخوڕییان بۆ بکەن، ئایا برا سیخوڕیی بەسەر برای خۆیەوە دەکات، ئەندامەکانی ئێمە ئەگەر سیخوڕییان بکردایە بۆ دەوڵەتی تورکیان دەکرد". هەموو ئەو تۆمەتانەشی ڕەتکردەوە، کە ئاسایش و پاراستن بۆ ئەندامەکانیان دروستی دەکەن و وتی، "ناتوانن تۆمەتیان بۆ دروست بکەن، هیچ تاوانێکیان ئەنجام نەداوە". 

 

رونیشیکردەوە، ئەگەر نیعمەت گونەش، کە ئێستا لە دەستی پاراستنی پەدەکەدایە ئازاد نەکرێ، ئەوا چالاکییەکان دەبەنە بەردەم پەرلەمان و بارەگای نەتەوە یەکگرتووەکان.