گه‌ڕان

Shadow Shadow
سیاسه‌تی

وردەکاریى

لیژنەى روبەروبونەوەى کۆرۆنا لەبارەى ناوەندەکانى خوێندن بڕیاریدا

2021.03.10 - 18:04
App store icon Play store icon Play store icon
لیژنەى روبەروبونەوەى کۆرۆنا لەبارەى ناوەندەکانى خوێندن بڕیاریدا

ناس کورد-

لیژنەى روبەڕوبونەوەى کۆرۆنا لەبارەى ناوەندەکانى خوێندنەوە بڕیاریدا ناوەندەکانى خوێندن تاوەکو دواى نەورۆز دابخرێت. 

کەناڵی ناس کورد لە تێلیگرام جۆین بکە   

 

د.جوتیار عادل، وتەبێژی حکومەتی هەرێمی کوردستان (10ی ئازاری 2021) لەمیانی کۆنگرەیەکی ڕۆژنامەوانیدا کە "ناس کورد" بینەری بوو ڕایگەیاند، لە کۆبوونەوەی لیژنەی باڵای ڕوبەڕوبونەوەی کۆرۆنا چەند ڕاسپاردەیەک گفتوگۆی لەسەر کراو دواتر چەند بڕیارێک درا لەسەرەتادا وەزارەتی تەندروستی ڕاپۆرتی خۆی لەبارەی دۆخی ڤایرۆسی کۆرۆنا خستە ڕوو لەو ڕاپۆرتەدا باس لە ڕیژەی بڵاوبوونەوەی ڤایرۆسەکە کرا لە ناو هاووڵاتیان و بەوەش ڕێژەی توشبوان زیادیکردووە دوای تەواکردنی بڕیاردرا بە توندکردنەوەی ڕێککارەکانی ڕوبەڕووبونەوەی کۆرۆناو داواشکرا پارێزگارەکان فەرمانبەران پابەند بکەن بەجێبەجێکردنی ڕێکارەکان.

 

لەبارەی بەردەوامی پرۆسەی خوێندن وتی "بڕیارەکانیش سەبارەت بە خوێندن لە وەزارەتی پەروەردە پۆلی دوازدەی ئامادەیی و پەیمانگاکانی سەربەوەزارەتی پەروەردە بەهەمان میکانزمی ئێستا بەردەوامی دەبێت، بەڵام لە پۆلەکانی یەکی بنەڕەتی تاوەکو 11ی ئامادەیی لە قوتابخانە حکومی ناحکومییەکانەی تاقیکردنەوەی 20 نمرەکەیان کردووە لە 12ی 3ی 2021ەوە پشوو وەردەگرن تاوەکو 24ی 3ی 2021و دوای پشووەکانی جەژنی نەورۆز، ئەو قوتابخانانەش کە تاقیکردنەوەی 20 نمرەکانیان نەکردووە تەنها بۆ تاقیکردنەوەی 20 نمرەکە دەچنەوە بۆ قوتابخانەو جگە لەوەش تاقیکردنەوەی بەرایی 12ی ئامادەیی بەردەوام دەبێت و قوتابخانەکانی سەر بەوەزارەتی پەروەردەی حکومەتی عێراقیش دەوامیان دەبێتە پشوو تاوەکو دوای جەژنی نەورۆزو بۆ وەزارەتی خوێندنی باڵاش خشتەی خۆیان هەیەو پابەند دەبن پێوەی. 

 

باسی لەوەشکرد، جگە لەوانە ڕێککارەکان تونددەکرێنەوەو پارێزگاکارەکانیش بۆ ئەوە ڕاسپێردراون و داواشکراوە کۆبوونەوە و بەکارهێنانی شوێنە داخراوەکان ڕێگری لێبکرێت و هەر هاووڵاتیەکیش هاتوچۆ لەنێوان پارێزگاکان و ناوەڕاست و باشوری عیراق بکات دەبیت تێستی کۆرۆنای هەبێت و هەر کۆمپانیایەکیش کە هاتوچۆ بە هاووڵاتیان دەکات دەبێت پابەندی ڕێککارەکان بێت و پێشێلکاری نەکات چونکە سزادەدرێت و لە لیستی ڕەش دادەنرێت، جگە لەوەش ئەوانەی ئیقامەیان هەیە دەبێت هەفتەی جارێک پشکنینی کۆرۆنا بکەن. 

 

لەبارەی قەدەغەی هاتوچۆ لە ڕۆژانی نەورۆز وتی، "هیچ بڕیارێک لەوبارەیەوە نییە بەڵام لە 22 یاخود پێش هاتنی نەورۆز کۆبوونەوەی دیکەی لیژنەی باڵای ڕوبەڕوبونەوەی کۆرۆنا دەکرێت و ئەگەر دۆخەکە مەترسیدار بێت بڕیاری نوێ دەدرێت.

 

لەبارەی مووچەش وتی، "وەکو پێشتر باس کراوە بەپێی داهاتی بەردەست دابەشکردنی مووچە لە 25ی هەموو مانگێک دەست پێدەکات و لێبڕینەکەش بەپێی میکانزمێک دەبێت کە لەلایەن وەزارەتی داراییەوە دیاری دەکرێت".