گه‌ڕان

Shadow Shadow
سیاسه‌تی

وردەکاریى

لێدوانی نوێى پۆلیسی ڕاپەڕین لەسەر کەیسەکەی سڵێمان هەڵشۆیی 

2021.03.10 - 16:13
App store icon Play store icon Play store icon
لێدوانی نوێى پۆلیسی ڕاپەڕین لەسەر کەیسەکەی سڵێمان هەڵشۆیی 

ناس کورد-

وتەبێژی بەڕێوەبەرایەتی پۆلیسی ڕاپەڕین ڕایگەیاند، لێکۆڵینەوە لە کەیسەکەی سڵێمان هەڵشۆیی بەردەوامە و لەئێستادا 30 کەس لێکۆڵینەوەیان لەگەڵ دەکرێت و زیاتر لە 300 سکاڵاش لەسەر کەیسەکە تۆمار کراوە، بەڵام هیچ بڕە پارەیەک دەستی بەسەردا نەگیراوە.

 

کەناڵی ناس کورد لە تێلیگرام جۆین بکە   

 

شۆڕش ئیسماعیل، وتەبێژی بەڕێوەبەرایەتی پۆلیسی ڕاپەڕین (10ی ئازاری 2021) لە لێدوانێکدا بۆ "ناس کورد" ڕایگەیاند، لەسەرەتای لێکۆڵینەوە لە کەیسی سڵێمان هەڵشۆیی تاوەکو ئێستا 52 کەس دەستگیرکراون بە مادەی 456 لەیاسای سزادانی عێراقی و ئێستا 30 کەس ماونەتەوە و لێکۆڵینەوەیان لەگەڵدا دەکرێت و ئەوانی دیکە بە کافالەت ئازاد کراون، و زیاتر لە هەزار و 200 کەسیش ناوی خۆیان تۆمار کردبوو بۆ سکاڵا و لەو ژمارەیەش زیاتر لە 300 سکاڵا وەرگیراوە و ڕۆژانەش ئەو ژمارانە گۆڕانکاری بەسەردا دێت بەهۆی ئەوەی سکاڵای نوێ تۆمار دەکرێت لەبارەی کەیسەکە.

 

باسی لەوەشکرد، تا ئێستا هیچ بڕە پارەیەک کە دەوتریت سڵێمان هەڵشۆیی لە هاووڵاتیانی وەرگرتووە دەستی بەسەردا نەگیراوە و  ئەو بڕە پارەیەش دیاری نەکراوە کە کەوتووەتە لایی و چاوەڕوانی کۆتایی هاتنی سکاڵاکان دەکرێت بۆ دیاریکردنی بڕی پارەکە.

 

رۆژى شەممە (19ى کانونى یەکەمى 2020)، بڵاوبوونەوەى هەواڵى "مایەپووچبوونى سلێمان" دەڤەرى پشدەرى هەژاند و پەردەى لەسەر مامەڵەیەکى 30 ملیۆن دۆلارى ئەو سەرمایەدارە گەنجە لەگەڵ سەدان کەسى دیکەدا هەڵماڵى.    

  

بەپێی بەدواداچونەکانى "ناس کورد"، مامەڵەى سلێمان لەگەڵ ئەو کەسانە بەچەند شێوازێک بووە، کە دیارترینیان وەرگرتنى ئۆتۆمبیل بووە لە خەڵک بە گرانتر لە نرخى بازاڕ و پێدانى پارەکان بەو کەسانە لەماوەى چەند مانگێکدا.   

  

جگە لە ئۆتۆمبیل، سلێمان دەمانچە و ئاژەڵیشى بە نرخى دوو هێندە یان کەمتر لەخەڵک وەردەگرت و خۆى راستەوخۆ بە نرخى راستەقینە دەیفرۆشت و مۆڵەتى چەند مانگێکى بۆ ئەو کەسە دادەنا تا پارەکەى پێبدات.    

  

سلێمان لە مامەڵەکانیدا پشتى بە بەڵگەنامەى فەرمى و یاسایی نەبەستووە، تەنها وەسڵێکى بەناو و واژۆى خۆیەوە بۆ ئەو کەسانە کردووە.