گه‌ڕان

Shadow Shadow
سیاسه‌تی

وردەکاری بزانە

بۆ ڕێککەوتنی لەگەڵ بەغدا، هەرێم داوایەک ئاڕاستەی ئێران دەکات

2021.03.09 - 21:11
App store icon Play store icon Play store icon
بۆ ڕێککەوتنی لەگەڵ بەغدا، هەرێم داوایەک ئاڕاستەی ئێران دەکات

ناس کورد-

جێگری سەرۆکى هەرێمی کوردستان داوا لە ئێران دەکات "هەوڵەکانی خۆی بخاتەگەڕ بۆ ڕێککەوتن و لێکنزیکبوونەوەی هەولێر و بەغدا."

کەناڵی ناس کورد لە تێلیگرام جۆین بکە   

 

ئەمڕۆ سێشه‌ممه، 9ی ئازاری 2021، مستەفا سەید قادر، جێگری سەرۆکی هەرێمی کوردستان پێشوازی لە نەسروڵڵا ڕەشنوودی، سەرکونسوڵگەری گشتیی کۆماری ئیسلامیی ئێران لە هەولێر و شاندێکی یاوەری کرد.

 

بەپێی ڕاگەیەنراوێ ماڵپەری سەرۆکایەتی هەرێم کە "ناس کورد" بەدواداچوونی بۆ کردووە، جێگری سەرۆکی هەرێم داوای کرد کۆماری ئیسلامیی ئێران "هەوڵەکانی خۆی بخاتە گەڕ بۆ ڕێککەوتن و لێکنزیکبوونەوەی هەولێر و بەغدا و لایەنە سیاسییەکان و به‌ڕێز ڕەشنوودی ئاماژەی بۆ ئەوە کرد باڵیۆزی ئێران لە بەغدا لە هەوڵی بەردەوامدایە بۆ گەیشتن بە ڕێککەوتن و دووپاتی کردەوە‌ که‌ سەقامگیریی سیاسیی هەرێمی کوردستان و عێراق بەگشتی بۆ وڵاتەکەیان گرنگە."

 

دەشڵێت، "هه‌ردوولا پەیوەندییە دووقۆڵیەکانی هەرێمی کوردستان و ئێران و هەوڵەکانی لێکنزیکبوونەوەی هەولێر و بەغدایان تاوتوێ کرد."

 

هەر بەپێی ڕاگەیەنراوەکە، "جێگری سه‌رۆکی هەرێم سوپاسی کۆماری ئیسلامیی ئێرانی کرد بۆ هاوکاریکردنیان لە ڕووبه‌ڕوبوونەوەی داعش، دوپاتیشی کردەوە کە مەترسییەکانی داعش کۆتایی نەهاتووە."

Mistefa-Seyid-Qadir.jpeg