گه‌ڕان

Shadow Shadow
سیاسه‌تی

زانیاری زیاتر

لەبارەی لێبڕینی موچەوە نوسراوێک ئاڕاستەی وەزیری دارایی کرا: لێبڕین بەردەوام دەبێت؟

2021.03.09 - 19:33
App store icon Play store icon Play store icon
لەبارەی لێبڕینی موچەوە نوسراوێک ئاڕاستەی وەزیری دارایی کرا: لێبڕین بەردەوام دەبێت؟

ناس کورد-

ئەندامێکی پەرلەمانی کوردستان لە فراکسیۆنی کۆمەڵ نوسراوێکی ئاڕاستەی وەزیری دارایی هەرێمی کوردستان کردووە و تیایدا باس لە بەرزبوونەوەی نرخی نەوت دەکات و دەپرسێت، لێبڕینی موچە بۆ مانگی داهاتوو بەردەوام دەبێت؟

کەناڵی ناس کورد لە تێلیگرام جۆین بکە   

 

عومەر گوڵپی، ئەندامی فراکسیۆنی کۆمەڵ لە پەرلەمانی کوردستان (سێشەممە 9ی ئاداری 2021) نوسراوێکی ئاڕاستەی سەرۆکایەتی پەرلەمان کوردستان کردووە و تیایدا هاتووە، "نرخی نەوت لە پێنج مانگی ڕابردوودا و بەتایبەتیش لەسەرەتای ساڵی 2021، بەرزبوونەوەی باشی بەخۆیەوە بینیوە، بۆیە داهاتی حکومەتی هەرێمی کوردستان زیادیکردووە،."

 

لەوبارەیەوە ئەو پەرلەمانتارە پرسیویەتی:

1 – داهاتی گەڕاوە لە فرۆشتنی نەوت بۆ خەزێنەی گشتیی حکومەت لە مانگی 1 و 2ی ساڵی 2021 چەند بووە؟

2 – ئایا لێبڕینی موچە بۆ مانگی 3ی 2021 بەردەوام دەبێت؟

3 – ئەگەر لێبڕینی موچە بەردەوام دەبێت، بۆچی؟

 

 

ئەوەش لەکاتێکدایە، لەئێستادا نرخی نەوتی خاو بەردەوامە لە بەرزبوونەوە و لەئێستا بەرمیلێک نەوتی برێنت لە دەوروبەری 67 بۆ نزیکی 70 دۆلاردا مامەڵەی پێوەدەکرێت.

 

عومەر گوڵپی لە فەیسبوکی خۆی نوسیویەتی، "نابێت ستەمی لێبڕینی‌ مووچە بەردەوام بێت لە کاتێکدا نرخی‌ نەوت گەڕاوەتەوە بۆ نرخەکەی‌ پێش بڵاوبوونەوەی‌ کۆرۆنا."