گه‌ڕان

Shadow Shadow
سیاسه‌تی

لە کۆمەوە پشکنین دەکرێت؟

توشبوون بە کۆرۆناى گۆڕاو لەهەرێم ’’ژمارەى پێوانەیی’’ تۆمارکرد

2021.03.09 - 17:45
App store icon Play store icon Play store icon
توشبوون بە کۆرۆناى گۆڕاو لەهەرێم ’’ژمارەى پێوانەیی’’ تۆمارکرد

ناس کورد- هەڤاڵ فەتاح

وەزارەتی تەندروستیی هەرێم ڕایگەیاند، ئامارى توشبوون بە ڤایرۆسى گۆڕاوى کۆرۆنا دوێنێ ژمارەیەکى پێوانەیی تۆمارکردووە، ڕەتیشی کردەوە لە هەرێم لەرێگەى کۆمەوە پشکنین بکرێت.

کەناڵی ناس کورد لە تێلیگرام جۆین بکە   

 

ئاسۆ حەوێزی، وتەبێژی وەزارەتەکە (9ی ئازازی 2021) لە لێدوانێکدا بۆ "ناس کورد" ڕایگەیاند، "دوێنێ ڕێژەی توشبوون بە ڤایرۆسەکە بەراورد بە ڕۆژانی ڕابردوو ژمارەی پێوانەیی تۆمارکرد کە زیاتر لە 300 کەس بوون، بەپێی داتاکانمان نزیکەی 250 کەسیان توشبووی ڤایرۆسە گۆڕاوەکە بوون".

 

وتیشى، "ئەو کیتەی لەڕێگەیەوە پشکنین بۆ ڤایرۆسە گۆڕاوەکەی کۆرۆنا دەکرێت ئێستا له هەرێم بەردەستە، بۆیە دەرکەوتووە بەشێکی زۆر لە توشبووانی کۆرۆنا توشبووی توخمە نوێیەکەی ڤایرۆسەکەن".

 

مانگى رابردوو یەکەم حاڵەتى توشبوون بە ڤایرۆسى نوێی کۆرۆنا لە هەرێم تۆمارکرا و بەوتەى بەرپرسانى تەندروستى زۆربەیان توشبووى توخمە گۆڕاوەکەن.

 

لە بارەی ئەنجامدانی پشکنین بۆ ڤایرۆسی کۆرۆنا لەڕێگەی (کۆم)ـەوە کە لە هەندێ وڵاتانی جیهان کاری پێدەکرێت، حەوێزی وتی، "بە هیچ شێوەیەک ئەو جۆرە پشکنینە لە هەرێمی کوردستان پەیڕەو ناکرێت".

 

مانگى رابردوو چین پرۆتۆکۆڵێکى نوێى بۆ پشکنینى ڤایرۆسى کۆرۆنا راگەیاند، ئەویش وەرگرتنى نمونەیە لە دەرچەى کۆمەوە لەبرى ناو ڕێڕەوى لوت.  

  

بەپێی ڕۆژنامەى (واشنتۆن پۆست) کە "ناس کورد" بەدواداچوونى بۆ کردووە، پرۆتۆکۆڵە نوێکە گرەنتى دەرکەوتنى ئەنجامى تەواوى زیاترە، چونکە لە هەندێک حاڵەتدا بەتایبەتى لەکاتى وەرگرتنى نمونە بۆ ئەوەى بزانرێت کەسى توشبوو چاکبوەتەوە یاخود نا لە ڕێگەى لوتەوە دەرکەوتوە کە ڤایرۆسەکە لە جەستەیاندا نەماوە، بەڵام لە ڕێگەى نمونەى دەرچەى کۆمەوە دەرکەوتوە کە هێشتا ڤایرۆسەکە لە جەستەیاندایە.  

  

بەپێى ڕاپۆرتەکە، تەنانەت ئەو پزیشکانەشى کە پشکنینە نوێکە ئەنجام دەدەن بە ڕێگەیەکى بێزارکەر وەسفى دەکەن و پێیان وایە کە پێویستە بە شێوەیەکى سنوردار بەکاربهێنرێت.