گه‌ڕان

Shadow Shadow
سیاسه‌تی

شەپۆلێکی باران و تەرزە دەستپێدەکات و پلەکانی گەرما نزمدەبنەوە

2021.03.09 - 10:54
App store icon Play store icon Play store icon
شەپۆلێکی باران و تەرزە دەستپێدەکات و پلەکانی گەرما نزمدەبنەوە

ناس کورد-

 

کەشناسی هەرێم پێشبینی دەکات لە شەوی چوار شەممەوە باران بارین دەستپێبکات و ڕۆژی پێنج شەممە ئاسمان بگۆڕێت بۆ هەوری تەواو، بۆ ڕۆژی هەینی لێزمە باران ببارێت و لە هەندێک ناوچە تەرزە ببارێت.

کەناڵی ناس کورد لە تێلیگرام جۆین بکە   

 

بەڕێوەبەرایەتی گشتی کەشناسی و بومەلەرزەزانی لە ڕاگەیەنراوێکدا کە وێنەیەکی دەست "ناس کورد" کەوتووە (9ی ئازاری 2021) ئاماژە بەوەدەکات، سەرەتاى شەپۆلەکە لە ئێوارەى شەوى چوارشەممە لەسەر پێنج شەممە دەست پێدەکات بە دوو قۆناغ یەکەمیان لە درەنگانى شەوى چوارشەممە دەست پێدەکات زیاتر باران بارینەکە لەسەر ناوچە شاخاوییەکان دەبێت وە سەنتەرى پارێزگاکان ئەگەرى نمە بارانى دەبێت.

 

باس لەوەشکراوە، رۆژى پێنج شەممە لە کاتەکانى رۆژدا ئاسمان زیاتر نیمچە هەور دەبێت لەگەڵ بەرزبوونەوەى پلەکانى گەرما بە نزیکەى 4-6 پلەى سیلیزى زیاد بوونى خێراى با کە لە هەندێ ناوچە بۆ سەرووى 40 کم لە کاتژمێرێکدا زیاد دەکات، لە شەودا قۆناغى دووەمى باران بارینەکە دەس پێدەکات باران بارین لە سەرجەم ناوچەکان دەبارێت.

 

بەپێی پێشبینى کەشناسی، رۆژى هەینى شەپۆلى باران بارینەکە چالاکتردەبێت وە ئاستى باران بارین لە هەندێ ناوچە لێزمە بارانى دەبێت رۆژى هەینى لەگەڵ باران بارین بارستە هەوایەکى سارد روو لە ناوچەکەمان دەکات پلەکانى گەرما بە نزیکەى 6-8 پلە نزم دەکاتەوە بۆیە لەکاتى  باران بارین ئەگەرى تەزرە بارین دەبێت لە هەندێ ناوچە لەگەڵ بەفر بارین لەسەر لووتکەى شاخە بەرزەکان و ناوچە سنووریەکان، کاریگەرى ئەم شەپۆلەش تا ئێوارەى رۆژى هەینى بەردەوامى دەبێت.