گه‌ڕان

Shadow Shadow
سیاسه‌تی

لە سۆشیال میدیا بڵاوە

’’سیستانی لە 2004 كەنەفتەی سەر جێگا بووە’’.. ڕاستییەكە بزانە

2021.03.09 - 10:40
App store icon Play store icon Play store icon
’’سیستانی لە 2004 كەنەفتەی سەر جێگا بووە’’.. ڕاستییەكە بزانە

ناس كورد_ 

چەند پەیجێك لەوانەش "جمهوریة العراق"، بڵاویانكردووەتەوە كە مەرجەعی باڵا عەلی سیستانی ساڵی 2004 لە شاری لەندەن كەنەفتەی سەرجێگا بووە، چۆن لە 2021 تەندروستییەكی باشی هەیە و وێنەیەكیشیان بڵاوكردووەتەوە، بەڵام بەدواداچوونەكان دەریدەخەن فۆتۆكە ساختەیە. 

کەناڵی ناس کورد لە تێلیگرام جۆین بکە   

 
 

بەپێی ساغكردنەوەكانی Tech 4 peace  كە تایبەتە بەئاشكراكردنی فەیك نیوز و "ناس كود" بەدواداچوونی بۆ كردووە، ئەو فۆتۆیەی گوایە دەوترێت ئایتەوڵڵا عەلی سیستانییە و لەسەر جێگا كەوتووە، دەگەڕێتەوە بۆ سەید محەمەد باقر شیرازی و لەنەخۆشخانەی ئیمام ڕەزا گیراوە لە تاران (2014)، ناوبراویش هەر لەو ساڵەدا كۆچی دوایی كردووە. 

 

هاوكات لەگەڵ سەردانی پاپای ڤاتیكان (فرەنسیس) بۆلای عەلی سیستانی مەرجەعی باڵای شیعە شەپۆلێك گومان و وێنەی ساختە بڵاو كرانەوە كە باس لەوە دەكەن سیستانی لەژیاندا نەماوە، یان باری تەندروستی زۆر خراپە، ئەمەش بەپێچەوانەی ئەو زانیارییە دروستانەیە كە لەبارەی تەندروستی ناوبراوەوە لەبەردەستن. 

 

سەید عەلی سیستانی مەرجەعی باڵای شیعەی عێراق تەمەنی 90 ساڵە و ڕێبەری حەوزەی ئاینی نەجەفە، رۆڵی كارا و بنەڕەتییانەی دیوە لە جومگە گرنگەكانی پرۆسەی سیاسیی عێراق لەپاش 2003 هەر لە نوسینەوەی دەستورەوە تا خۆپیشاندانەكانی تشرینی 2019. بەمدواییانەش جگە لە نوێنەری سكرتێری گشتی نەتەوە یەكگرتووەكان جنین بلاسخارت، چاوی بەپاپای ڤاتیكان و حەسەن ڕۆحانی سەرۆك كۆماری ئێران و نەبیه بڕی سەرۆكی پەرلەمانی لوبنان كەوتووە. 

 

 
قد تكون صورة لـ ‏شخص أو أكثر‏