گه‌ڕان

Shadow Shadow
سیاسه‌تی

 لە هەولێر شارێک بۆ فەرمانبەرانى وەزارەتێک دروستدەکرێت

2021.03.08 - 21:58
App store icon Play store icon Play store icon
 لە هەولێر شارێک بۆ فەرمانبەرانى وەزارەتێک دروستدەکرێت

ناس کورد-

 

وەزارەتى خوێندنى باڵاى هەرێم و کۆمپانیایەک تاوتوێی جێبەجێکردنى پڕۆژەیەکى نیشتەجێ بوونیان کرد بۆ فەرمانبەرانى وەزارەتەکە لە هەولێر.

کەناڵی ناس کورد لە تێلیگرام جۆین بکە   

 

بەپێی ماڵپەڕى فەرمى وەزارەتى خوێندنى باڵا کە "ناس کورد" بەدواداچوونى بۆ کردووە، عبدالفتاح عبدالرزاق بریکارى وەزارەتى خوێندنى باڵا لەکۆبوونەوەیەکدا لەگەڵ کۆمپانیاکە جەختى لەسەر جێبەجێکردنى پرۆژەى نیشتەجێبونى شارى خوێندنى باڵا کردووەتەوە، بۆ فەرمانبەرانى دامەزراوەکانى خوێندنى باڵا لە هەولێر.

 

لەلایەن خۆشیەوە داود سلێمان بەڕێوەبەرى گشتى ئەندازەو پرۆژەکان و سەرۆکى لیژنەى تایبەتمەندى وەزارەت ئاماژەى بۆ ئەوە کردووە، لە ڕابردوودا قەیرانەکانى دارایى و شەڕى داعش و پەتاى کۆرۆنا ڕێگر بوون لەبەردەم جێبەجێکردنى پرۆژەکە، بەو هیوایەن لە ئێستادا بەباشترین شێوە بخرێتە بوارى جێبەجێ کردنەوە.

 

پرۆژەى شارى خوێندنى باڵا کە لە ئێستادا دیزاینەکەى کۆتایی هاتووە دەکەوێتە سەر ڕێگاى سەرەکى هەولێر-کەرکوک، پێکهاتوە لە ٤٤٠ خانوو، ١٥ تاوەر کە هەر تاوەرێک لە ١٨ نهۆم پێکهاتوەو ١٦٢٠ شوقە لە خۆدەگرێت.

 

 بڕیارە دواى تاوتوێکردنى مەرج و وردەکارییەکان لەلایەن وەزارەتەوە پەسەند بکرێت بەمەبەستى جێبەجێکردنى.