گه‌ڕان

Shadow Shadow
سیاسه‌تی

’’سەردانێکی مێژوویی’’

بایدن باس لە کۆبوونەوەى پاپا و سیستانی دەکات

2021.03.08 - 20:28
App store icon Play store icon Play store icon
بایدن باس لە کۆبوونەوەى پاپا و سیستانی دەکات

ناس کورد-

جۆ بایدنی سەرۆکى ئەمریکا ڕایگەیاند، سەردانی پاپا بۆ عێراق و بینینی ئایەتوڵا عەلی سیستانی سنبولی هیوا و ئومێدە بۆ تەواوی جیهان.

کەناڵی ناس کورد لە تێلیگرام جۆین بکە   

 

جۆ بایدن لە ڕاگەیەنراوێکدا کە "ناس کورد" بەدواداچوونی بۆ کردووە (8ی ئازاری 2021) دەڵێت، "بینینی سەردانی پاپا فرانسیس بۆ جێگا دێرینە ئایینییەکان، لە ناویاندا شوێنی لەدایکبوونی پێغەمبەر ئیبراهیم، کۆبوونەوە لەگەڵ ئایەتوڵا عەلی سیستانی لە نەجەف و بەجێگەیاندنی نوێژ لە موسڵ کە چەند ساڵێک لەمەوپێش بە دەستی خراپەکاری و دەمارگیریی ئاینیی گروپی داعشەوە دەیناڵاند، سومبولی هیوایە بۆ تەواوی جیهان".

 

باسی لەوەشکردووە، "عێراق وڵاتێکە نقوم بووە لە فرەیی ئاین و نەتەوەکان، هەروەها نیشتمانی یەکێک لە کۆمەڵگا دێرینەکانی مەسیحییە لە جیهاندا.

 

جۆ بایدن جەخت دەکاتەوە کە "سەردانی پاپا فرانسیس زۆر مێژوویی و پێوازیلێکراوە لە وڵاتدا، پەیامێکی گرنگی تێدا بوو، وەک پاپا فرانسیس خۆی دەڵێت، "پێکەوەژیانی براکان بەردەوامی زیاتر لە براکوژی، ئەو هیوایە لە مردنیش بەهێزترە، ئەو ئاشتییە بەهێزترە لە شەڕ."

 

 

لە کۆتاییدا بایدن پیرۆزبایی لە حکومەت و گەلی عێراق کردووە بۆ بەڕێوەبردنی ئەو سەردانە زۆر نمونەییە.

 

رۆژی هەینی رابردوو، 5ی ئازاری2021، پاپا فرەنسیس، پاپای کڵێسای کاسۆلیکی بە سەردانێک گەیشتە عێراق و داوای دیدار و کۆبوونەوەی لەگەڵ سەرکۆمار و سەرۆکوەزیران، سەردانی شاری نەجەفی کرد و لەگەڵ مەرجەعی باڵای شیعەكان، عەلی سیستانی کۆبووەوه‌ و دواتر سەردانی شاری میێژوویی ئوری کرد لە پارێزگای زیقار و دیدارێکی ئایینی ئەنجامدا.

 

پاشان سەردانی شاری هەولێری کرد و دوای دیدار و کۆبوونەوەی لەگەڵ هەریەک لە سەرۆکی هەرێمی کوردستان، نێچیرڤان بارزانی و سەرۆکوەزیران، مەسرور بارزانی و سەرۆکی پێشووی هەرێمی کوردستان، مەسعود بارزانی، چووە شاری مووسڵ و پاشان چووە شارۆچکەی قەرەقۆش و لە کڵێسای تاهیرە گوتارێکی پێشکەش کرد.

 

ئێوارەی هەمان رۆژ گەڕایەوە هەولێر و لە یاریگای نێودەوڵەتیی فرانسۆ هەریری بە بەشداری بەرپرسانی باڵای هەرێمی کوردستان و کۆنسوڵ و نوێنەری وڵاتانی بیانی لە هەرێمی کوردستان، بەشداریی لە رێوڕەسمێکی ئایینی مەسیحی کرد کە بەبەشداریی زیاتر لە 10 هەزار کەس بەڕێوەچوو.

 

دوای تەواوبوونی رێورەسمەکە، پاپا فرەنسیس لە رێگەی فڕۆکەخانەی نێودەوڵەتیی هەولێرەوە گەڕایەوە بەغدا و بەیانی ئەمڕۆ دووشەممە لە بەغداوە گەڕایەوە رۆما.