گه‌ڕان

Shadow Shadow
سیاسه‌تی

وردەکاریی

شەش سەرۆکى زانکۆ لەهەرێم لادەبرێن و کەسانى دیکە دەخرێنە شوێنیان

2021.03.08 - 19:27
App store icon Play store icon Play store icon
شەش سەرۆکى زانکۆ لەهەرێم لادەبرێن و کەسانى دیکە دەخرێنە شوێنیان

ناس کورد-

 

وەزارەتى خوێندنى باڵاى هەرێم بڕیاریدا گۆڕانکاریی لە پۆستى شەش سەرۆکى زانکۆ و سەرۆکى ئەنجومەنی باڵای کوردستان بۆ پسپۆڕییە پزیشکییەکان بکات و کەسانى نوێ لە شوێنیان دابنێت.

 

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتەکە کە وێنەیەکى دەست "ناس کورد" کەوتووە، هەر کەسێک ئارەزوى هەیە و مەرجەکانى تێدایە دەتوانێت لە ماوەى دیاریکراودا (C.V) و داواکارییەکەى پێشکەش بکات، تا ناوى لە لیستى پێشکەشکاراندا تۆمار بکرێت .

 

پۆستەکان:

1-سەرۆکى زانکۆى سەڵاحەددین – هەولێر

2-سەرۆکى زانکۆى سۆران

3-سەرۆکى زانکۆى هەولێرى پزیشکى

4-سەرۆکى زانکۆى دهۆک

5-سەرۆکى زانکۆى پۆلیتەکنیکى دهۆک

6-سەرۆکى زانکۆى زاخۆ

7-سەرۆکى ئەنجومەنی باڵای کوردستان بۆ پسپۆڕییە پزیشکیەکان.

 

مەرجەکان بۆ پۆستی سەرۆکی زانکۆ:

1-هەڵگرى بڕوانامەى دکتۆرا بێت .

2-نازناوی زانستى لە پرۆفیسۆرى یاریدەدەر کەمتر نەبێت.

3-خزمەتى زانکۆیی لە (10) ساڵ کەمتر نەبێت.

بۆ پۆستی سەرۆکی ئەنجومەنی باڵای کوردستان بۆ پسپۆڕییە پزیشکییەکان:

1-هەڵگری بڕوانامەی بۆرد یان دکتۆرا یان هاوتاکەی بێت لەیەکێک لە بوارە پسپۆڕیە پزیشکییەکان.

2-نازناوی زانستی لە پرۆفیسۆر کەمتر نەبێت.          

 

تێبینیەکان:

 

ئەو بەڕێزەى کە داواکاری پێشکەش دەکات باشترە دیدو بۆچون و بەرنامەى کاری خۆى پێشکەش بکات بۆ بەرەو پێش بردنى زانکۆکەی بۆ ئەو چوار ساڵەى کە پۆستەکەى بەردەوام دەبێت،  زانینی زمانى ئینگلیزى و شارەزایی لەبەکارهێنانى تەکنۆلۆجیای بواری خوێندن و فێرکردن کارایی بڵاوکردنەوەی توێژینەوەی زانستی هەلى زیاتر بۆ پێشکەشکار دەڕەخسێنیت.

  • دواین کات بۆ پێشکەشکردنى (C.V) و پوختەى ڕاژە کۆتایی دەوامى ڕێکەوتى (١٦/٣/٢٠٢١) ڕۆژى (سێشەمە) دەبێت.
  • پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت.
  • هەر بەڕێزێک ئارەزوى هەیەو مەرجەکانی پێشکەشکردنی هەیە، دەتوانی (C.V) و پوختەى ڕاژەى ڕاستەوخۆ بۆ بەڕێوەبەرایەتى بەدواداچوونى پۆستەکان لە دیوانى وەزارەت لە ڕێگەى ئەم ئیمیلە ([email protected]) بنێرێت.