گه‌ڕان

Shadow Shadow
سیاسه‌تی

ڕەخنە دەگرێت

عەبدوللەتیف سەلەفى بۆ بەرپرسانی هەرێم: بۆچى خۆ چەمانەوە.. بەخوا خەیاڵە

2021.03.08 - 16:52
App store icon Play store icon Play store icon
عەبدوللەتیف سەلەفى بۆ بەرپرسانی هەرێم: بۆچى خۆ چەمانەوە.. بەخوا خەیاڵە

ناس کورد-

عەبدولـلەتیف سەلەفى لەبارەی هاتنی پاپاوە ڕەخنە لە بەرپرسانی کورد دەگرێت و دەڵێت، هیوا هەڵچنین لەسەرى خەیاڵە.

کەناڵی ناس کورد لە تێلیگرام جۆین بکە   

 

عەبدولـلەتیف ئەحمەد، یەکێک لە ڕابەرانی ڕەوتی سەلەفی لە پەیجی خۆی لە فەیسبووک کە "ناس کورد" بەدواداچوونی بۆ کردووە (8ی ئازاری 2021) ڕایگەیاند، "هاتنی پاپا بۆ عێراق و هەرێم زیاد لە حەقی خۆی گەورە کراوە، هەم لەلایەن سیاسیەکانەوە هەم لەلایەن خەڵکەوە، پاپا چ خێرێکی هەبووە بۆ عێراق بەگشتی و هەرێم بەتایبەتی، چ شتێکی تایبەتی کردووە بۆ گەلی کورد لە دابینکردنی مافەکانی و دژایەتی زوڵم و زۆرەکانی لەسەری".

 

دەشڵێت، "ئەگەر کەسێک ئاوا گەورە و مەزن بێت بۆچی دان بەحەقی میللەتێکی 45 ملیۆنیدا نانێت، بۆچی ناڵێت ئەمانیش میللەتێکن نابێت بچەوسێنرێنەوە و نابێت زوڵمیان لێ بکرێت، حەقی خۆیانە قەوارەیان هەبێت، هیچ لەمانەی نەکردووە".

 

عەبدولـلەتیف ئەحمەد وتیشی، کە پاپا سەرۆکی وڵاتان گوێی لێبگرن بۆ نایکات، "کەواتە ئەم خۆ بۆ چەمانەوەو گرنگی پێدانە چاوەڕوانی چی دەکەن، دەتانەوێت ئەوانە سەرتان بخەن و دەوڵەتان بۆ دروست بکەن، بەخوا خەیاڵەو ئەگەر خوا پشتیوانمان نەبێت هیچمان دەست ناکەوێت؟".

 

مامۆستا عەبدول لەتیف ئەوەش دەڵێت، "لەلام سەیرە ڕێز لەگاورێک بگیرێت کە دەڵێت سێ خوا هەیە بۆچی ڕێز لە زانای ئایینەکەی خۆت ناگرێت کە خۆشت بەخۆت دەڵێیت موسڵمانم".

 

عەبدولـلەتیف لەبارەی بێ ڕێزی و سوکایەتی کردن لەلایەن موسڵمانانەوە سەرنجی خۆی ئاشکراکردو وتی، "بێ ڕێزی لە ئیسلامدا نییەو ناکرێت تەکفیری ئەوانە بکرێت لە پیشوازیدا بوون هەموو شتێک لە سنوری خۆیداو نابێت هاتنی پاپا ئەوەندە گەورە بکرێت.