گه‌ڕان

Shadow Shadow
سیاسه‌تی

وردەکاریى

میدیاکانى ئێران چۆن لەسەردانەکەى پاپا بۆ عێراق دەڕوانن؟ 

2021.03.07 - 23:15
App store icon Play store icon Play store icon
میدیاکانى ئێران چۆن لەسەردانەکەى پاپا بۆ عێراق دەڕوانن؟ 

ناس کورد- 

سەردانەکەى پاپاى ڤاتیکان و بینینى عەلى سیستانى مەرجى باڵاى شیعە لە عێراق لەناو میدیاکانى ئێراندا کاردانەوەى زۆرى لێکەوتەوە و بووە هەواڵى سەرەکییان، بەڵام تائێستا حکومەتى ئێرانى هیچ کاردانەوەیەکى نەبووە.

 

کەناڵی ناس کورد لە تێلیگرام جۆین بکە   

 

ئاژانسى فرانس پرێس (یەکشەممە 7ى ئازارى 2021) لە ڕاپۆرتێکدا کە "ناس کورد" بەدواداچونى بۆ کردوە بڵاویکردەوە، تائێستا حکومەتى ئێران بە فەرمى هیچ لێدوانێکى لەسەر سەردانەکەى پاپا فرانسیس پاپاى ڤاتیکان بۆ عێراق نەبووە.

 

ڕونیشکراوەتەوە، بەڵام سەردانەکە و یەکتربینینى لەگەڵ عەلى سیستانى گەورە مەرجەعى ئاینى شیعە بووە هەواڵى سەرەکى و مانشێتى زۆرێک لە میدیاکانى ئەو وڵاتە و وێنەى پاپا و سیستانى پەڕەکانى یەکەمى ڕۆژنامەکانى داگیر کرد.

 

میدیاکانى سەربە بەرەى چاکسازى پێیان وایە، سەردانەکەى پاپا نامەى ئاشتى تێدایە بۆ عێراق، هەرچى میدیاکانى سەربە بەرەى پارێزگارانە پێیان وایە کە بەشێوەیەکى سەرەکى گەڕانەوەى ئاسایشى بۆ سەرجەم ناوچەکانى عێراق بەهۆى گروپە میلیشیاکانى نزیک لە ئێرانەوە بووە، باسیان لە فەتواکەى سیستانى کردوە لەساڵى 2014 بۆ هەڵگرتنى چەک و ڕوبەڕوبونەوەى ڕێکخراوى داعش.

 

ڕۆژنامەى "سازندکى" ئاماژەى بەوەداوە، پاپا و سیستانى بوونەتە هەڵگرى ئاڵاى ئاشتى لە جیهاندا و دیدارەکەیان دیارترین ڕوداوە لە گفتوگۆى نێوان ئاینەکان، لاى خۆشیەوە ڕۆژنامەى "شرق" جەختیلەوەکردووەتەوە، دیدارەکە ڕەمزییە و گرنگى هاریکارى نێوان شوێنکەوتوانى ئایینە جیاوازەکان پیشان دەدات.

 

لەلایەکى ترەوە ڕۆژنامەى "ئێران"ى حکومى باسى لەوەکردوە، سەرکەوتنێکى شیعە و مەسیحییە، سەردانەکە ئەوە پیشان دەدات کە مەسیحیەت لە عێراق بەردەوامە، ئەوەش سەرەڕاى ئەو نەهامەتیەى بەدەست ڕێکخراوى داعش بەسەریان هاتووە.

 

ڕۆژنامەى "رسالت" بڵاویکردووەتەوە، پاپا فرانسیس و ژمارەیەک دەوڵەتى بیانى باش دەزانن کە ئازادى سەردانیکردنى عێراق بەهۆى ئەو خوێنەوەیە گەنجە ئازاکانى بەرگرى ڕشتیان و دانایى مەرجەعى شیعەیە لە عێراق، ڕۆژنامەى کەیهانیش جەختیلەوەکردوەتەوە، ئەو ئاسایشەى مەسیحیەکان و گەلى موسوڵمانى عیراق هەیانە بەهۆى قوربانیەکانى گەلى عیراقەوەیە لەژێر فەرماندەیى قاسم سولەیمانى و ئەبومەهدى موهەندیس.