گه‌ڕان

Shadow Shadow
سیاسه‌تی

وردەکاریى

لێدوانى بەرپرسێکى دیارى کەتیبەکانى حزبوڵڵاى عێراق لەبارەى سەردانەکەى پاپا 

2021.03.07 - 21:53
App store icon Play store icon Play store icon
لێدوانى بەرپرسێکى دیارى کەتیبەکانى حزبوڵڵاى عێراق لەبارەى سەردانەکەى پاپا 

ناس کورد-

بەرپرسێکى دیارى کەتیبەکانى حزبوڵڵاى عێراق لەسەر سەردانەکەى پاپاى ڤاتیکان بۆ عێراق دەڵێت، ئێمە بووین بە خوێن کەمایەتیەکانمان پاراست نەک بە قسە، نمونەى ئەبرەش دەهێنێتەوە و پێى وایە ئێستا هەمان پلان لەلایەن  ماسۆنیەت و زایۆنیزم و ئال ڕۆچێڵد و شوێنکەوتوانیانەوە دەگێڕدرێت.

 

کەناڵی ناس کورد لە تێلیگرام جۆین بکە   

 

ئەبو عەلى عەسکەرى، بەرپرسى ئەمنى کەتیبەکانى حزبوڵڵاى عێراق (یەکشەممە، 7ى ئازارى 2021) لەمیانەى بڵاوکردنەوەى تویتێکدا کە "ناس کورد" بەدواداچوونى بۆ کردووە ئاماژەى بەوەدا "ماڵەکە خودایەکى هەیە کە دەیپارێزێت" هاوارى خاوەنى یەکەم لیواى بەرگرى لە مێژووى کێشمەکێشەکانى نێوان خێر و شەڕ تائێستا ئامادەیە، بە پشتیوانى و هاوکارى خودا و پارانەوەى ئیمانداران و دڵسۆزیەکەیان ئەبرەهەى حەبەشى شکێنرا و سوپاکەى لەناوبرا، ئەوانەى پلانیان گێڕابوو بۆ وێرانکردنى کەعبەى پیرۆز ئاشکرا بوون و خراپەکانیان دەرکەوت.

 

باسى لەوەشکردوە، ئێستا و دواى پلانگێڕییەک کە تەمەنى چەندین ساڵە و سەرکردەکانى ماسۆنیەت و زایۆنیزم و ئال ڕۆچێڵد و شوێنکەوتوانیانن، هەموویان دۆڕان و هەڵدێن و هەڕەشەکە بووە بە دەرفەت.

 

سەبارەت بە دەرفەتەکان هێماى بۆ ئەوە کردوە،  گەلى فەلەستینى گەلێکى زوڵم لێکراون و خاوەنى مافن و پێکهاتەى زایۆنیزم پێکهاتەیەکى داگیرکەرى زەوییەکانیانن، گەمارۆى دەوڵەتە میحوەرییەکان زوڵمە و پێویستە لاببرێت، پێویستە دەوڵەتە گەورەکانى شەڕ دانایانە مامەڵە بکەن و واز لە کارى دوژمنکارانە بهێنن.

 

عەسکەرى لە درێژەى قسەکانیدا جەختیلەوەکردوەتەوە، پێویستە بەها ئەخلاقیەکان پیرۆز بکرێن و شەڕى خراپەکارى و هاوڕەگەزبازى و کارە خراپەکانى تر بکرێت نەک چاو لەوان بکرێت، ئێمە بووین بە خوێن بەرگریمان لە کەمایەتیەکان کرد نەک بە قسە، ئەمڕۆ خاوەنەکانى پرۆژەى ئەبرەهە هیچ دڵنەواییەکیان نییە.