گه‌ڕان

Shadow Shadow
سیاسه‌تی

بانگخوازێکی سەلەفی لەبارەی پێشوازی پاپا ڕوونکردنەوەیەکی بڵاوکردەوە

2021.03.07 - 18:15
App store icon Play store icon Play store icon
بانگخوازێکی سەلەفی لەبارەی پێشوازی پاپا ڕوونکردنەوەیەکی بڵاوکردەوە

ناس کورد-

 

بانگخواز و نووسەرێکى سەلەفی رایگەیاند، پێشوازی لە جوولەکە بێ یان لە نەسارا کە بە وەفد بێنە وڵات شتێکی ئاساییە و کارێکی شەرعیە بەو مەرجەی تەنازولی تێدا نەبێت لە دین و بیروباوەڕی ئیسلام.

 

کەناڵی ناس کورد لە تێلیگرام جۆین بکە   

 

باوکی حارس لە هەژمارى خۆى لە فەیسبوک کە "ناس کورد" بینیویەتى لەبارەى سەردانى بەرپرسانى هەرێم لە پاپا  نوسیویەتى "پێم سەیرە کە هێرشێکی زۆر ئەبینم لە فەیسبووک و ئەنتەرنێت بە بۆنەی هاتنی پاپای نەساراکان بۆ هەولێر و کەسانێکی زۆریش لەسەر ئەو پێشوازی کردنەی سەرۆکی حکومەت و هەرێمی کوردستان هێرشیان کردووەو قسەی نابەجێیان نوسیوە بەداخەوە!".

 

رونیشیکردووەتەوە "پێغەمبەری خوا صلى الله علیه واله وسلم پێشوازی کردووە لە وەفدی نەسراکان -بۆ نموونە سەیری سەحیحی بوخاری: (بَابُ قِێَەِ ڕَهْلِ نَجْرَانَ) بکەن- تەنانەت موناقەشەی کردوون ووەڵامی پرسیاری داونەتەوە هەر وەک چۆن بەهەمان شێوە لەگەڵ یەهوود پرسیاریان لێ کردووە وەڵامیانی داوەتەوە موعامەلەی لەگەڵ کردوون تەنانەت کە مردووە قەرزی جوولەکەیەکی لەسەر بووە کە رەهنی لا داناوە لەجیاتی!".

 

بەوتەى ئەو نوسەرە "ئاساییە وڵاتی ئێمەش و سەرکردەکانمان بۆ بەرژەوەندی میللەت ئەو پێشوازیە بکەن و تەنانەت ئەوە بەکار بێنن بۆ گەیاندنی داواو ناساندنی کێشەی میللەت بە دونیاو..... ئەوەی ناشەرعیە ئەوەیە کە سازش بکەین لە دینەکەمان بۆ خاتری کەسانی تر لە غەیری دینی ئیسلام".