گه‌ڕان

Shadow Shadow
سیاسه‌تی

وردەکاری

کچێکی تەمەن 13 ساڵ لەمەزادێکی فەیسبوکدا بەشوو درا

2021.03.06 - 19:31
App store icon Play store icon Play store icon
کچێکی تەمەن 13 ساڵ لەمەزادێکی فەیسبوکدا بەشوو درا

ناس کورد-

نمایشکردنی کچێکی تەمەن 13ساڵ لە مەزادێکی فەیسبوکدا بۆهاوسەرگیری لە باشوری سودان، رەخنەی توندی لێدەکەوێتەوە و بەکارهێنەرانی ئەو توڕە کۆمەڵایەتییە کۆمپانیاکە تۆمەتباردەکەن بەنەبوونی چاودێری و سانسۆرو گوێنەدان بە جۆر وناوڕۆکی ئەو بابەتانەی کە تێیدا بڵاودەکرێنەوە.

کەناڵی ناس کورد لە تێلیگرام جۆین بکە   

 

بەگوێرەی هەواڵێکی میدیا جیهانییەکان ( 6ی ئازاری 2021) کە "ناس کورد"بە دواداچووەنی بۆ کردووە، لە وڵاتی سودان، خێزانی کچێکی تەمەن 13 ساڵ لە 25ی تشرینی یەکەمی 2020، کچەکەیان بۆ هاوسەرگیری کردن بەگرانترین نرخ خستووەتە مەزادێکەوە .

 

ئاماژە بەوەشکراوە،  ڕووداوەکە رەخنەی توندی لە تۆڕە کۆمەڵایەتییەکان بەدوای خۆیدا هێناوە و ڕەخنە ئاڕاستەی کۆمپانیای فەیسبوکیش کراوە کە ڕێگەی بەو کارە داوە. 

 

بەگوێرەی میدیاکان، فەیسبوک هەوڵیداوە بەرگری لە خۆی بکات، وتەبێژی کۆمپانیاکەش وتوویەتی، "سەرەتا لە 9ی تشرینی دووەم  ئاگاداری مەزادەکە بوون، بۆیە کە پێیانزانیوە دەستبەجێ ئەو بڵاوکراوەیان سڕیوەتەوە، بەڵام ئەمە دوای هاوسەرگیری کچەکە بووە".

 

میدیاکان ئەوەیان ئاشکراکردووە، " کچە بچوکەکە لە ڕۆژی 3ی تشرینی دووەمی رابردوودا  لە مەراسیمێکدا لە ویلایەتی دەریاچەکانی ڕۆژهەڵاتی وڵاتی باشوری سودان هاوسەرگیری کردووە، دوای ئەوەی زاوەکە 500 مانگا و سێ ئۆتۆمبێل و 10 هەزار دۆلاری داوە".

 

لەوباریەوە، جۆرج ئۆتم، بەڕێوەبەری لقی فاو لە باشوری سودان دەڵێت، "ئەم بەکارهێنانە لە تەکنەلۆژیا، بیرۆکەی بازاڕی کۆیلەکان زیندوو دەکاتەوە، فرۆشتنی کچێک بۆ هاوسەرگیری لە گەورەترین پێگەی تۆڕە کۆمەڵایەتییەکاندا کارەساتە". 

 

لای خۆشییەوە، فەیسبوک لە راگەیاندراوێکدا، جەختیلەوەکردووەتەوە، "هەر جۆرە بازرگانیکردنێک بە مرۆڤەوە، چ  لەڕێگەی پۆست یان لاپەڕە، ڕیکلام و ئەو گروپانەی کە ئەو چالاکییە بە هەماهەنگی دەکەن، لە پێگەی ئێمە رێگەپێدراو نییە، بۆیە  بە خێرایی ناوەڕۆک و پرۆفایلی باوکی منداڵەکەمان لابردووە".

 

بەگوێرەی داتاکانی ڕێکخراوی یونیسێف، بەهۆی نالەباری دۆخی وڵاتی باشوری سودان و بەردەوامبوونی شەڕی ناوخۆیی، زیاتر لە نیوەی کچانی باشوری سودان پێش ئەوەی بگەنە 18 ساڵ لەلایەن خێزانەکانیانەوە بەشوو دەدرێن.