گه‌ڕان

Shadow Shadow
سیاسه‌تی

هۆکارەکەى باس کردووە

سەرۆکى فراکسیۆنی گۆڕان لە ئەنجومەنی پارێزگای هەولێر دەستی لەکارکێشایەوە

2021.03.06 - 08:42
App store icon Play store icon Play store icon
سەرۆکى فراکسیۆنی گۆڕان لە ئەنجومەنی پارێزگای هەولێر دەستی لەکارکێشایەوە

ناس کورد-

سەرۆکی فراکسیۆنی گۆڕان لە ئەنجومەنی پارێزگای هەولێر دەستلەکارکێشانەوەی خۆی ڕاگەیاند و ڕایگەیاند، "بەردەوامی بەڕێوەبردنی بزووتنەوەکە بەمجۆرە بەدڵنیاییەوە گۆڕانی توشی شكستی قورستر دەكەنەوە و بۆ ئەوەی زیاتر نەبم بە بەشێك لەو شكستە وەك ناڕەزاییەك دەست لەكاركێشانەوەی خۆم پێشکەش كردوە".

کەناڵی ناس کورد لە تێلیگرام جۆین بکە   

 

عەبدولڕەحمان موهەندیس کە هاوکات ئەندامی جڤاتی نیشتیمانی بزوتنەوەی گۆڕانە لە ڕونکردنەوەیەکدا کە وێنەیەکی دەست "ناس کورد" کەوتووە (6ی ئاداری 2021) ڕایگەیاندووە، "پێشتر پاش شكستهێنانی بزووتنەوەی گۆڕان لە هەردوو هەڵبژاردنی ئەنجومەنی نوێنەران و پەرلەمانی كوردستان لە كۆبونەوەی جڤاتی نیشتیمانیدا داوام لە رێكخەری گشتی و ئەندامانی خانەی ڕاپەڕاندن کرد دەست لەكار بكێشنەوەو ئامادەیی خۆشم نیشاندا بەیەكەوە لەگەڵ ئەوان دەست لەكاربكێشمەوە، بەڵام ئەوان نەیانكرد، هەروەها وەك فراكسیۆن داوامان كرد نەچینە ناو حكومەت و ناوماڵی خۆمان رێكخەینەوە، لەدەنگدانی چونە ناو حكومەت و بۆ ئەوەش من و چوار هاوڕێی دیكەی جڤات دژی چونە ناو حكومەت دەنگماندا."

 

دەشڵێت، "هەمووان لە جڤات ئاگادارن هەردەم ڕاشكاوانە ڕەخنەو تێبینیم لەسەر ئەدا و هەلوێست و بەڕێوەبەردنی بزووتنەوەی گۆڕان هەبووە تاكو زیاتر بزووتنەوەكە دورنەكەوێتەوە لە خەڵك بەڵام بەداخەوە ئیستیجابەیان نەبوو، هەموو هەوڵەکان بێ‌ سوود بوون و خەڵک و ئێمەیان بێ ئومێد كرد، بەردەوامی بەڕێوەبردنی بزووتنەوەکەش بەدڵنیاییەوە ئەمجارەش لە هەلبژاردنی داهاتوودا گۆڕانی توشی شكستی قورستر دەكەنەوەو بۆیە تاكو زیاتر نەبم بە بەشێك لەو شكستە بەر لە (3) سێ‌ مانگ لە رێكەوتی 6ی12ی2020 لە نامەیەكی دوو لاپەڕەییدا بڕیاری خۆمداو وەك ناڕەزاییەك دەست لەكاركێشانەوەی خۆم لە سەرۆكی فراكسیۆنی گۆران لە ئەنجومەنی پارێزگای هەولێر (ئەندامی جڤاتی نیشتیمانی بزووتنەوەی گۆڕان) پێشكەش بە رێكخەری گشتی و ئەندامانی خانەی راپەراندن و جڤاتی نیشتیمانی كردوە."

 

باسی لەوەشکردووە، "تاكو ئێستاش من لەگەڵ هاوڕێكانم لە فراكسیۆن بەیەكەوە كار دەكەین، ئەوەی لە توانامدا بێت درێخی ناكەم. ئەوەشی وتووە،  "حیزبێك نەتوانێت ڕیفۆرم و چاكسازی لەناوخۆی خۆیدا بكات، حەتمەن ناتوانێت ڕیفۆرم و چاكسازی لەدەرەوەی خۆیدا بكات، ئەوانەی ( گۆڕانی ئێستا) بەڕێوە دەبەن، ئەگەر پابەندی پرەنسیپ و ئامانجەكانی جارانی گۆڕانن، پێویستە بەخۆیاندا بچنەوە و چیتر بزووتنەوە جەماوەریەكە گچكە و ناشیرین نەكەن".

me_ga.php?id=2782me_ga.php?id=2783