گه‌ڕان

Shadow Shadow
سیاسه‌تی

دووەم داڕوخانى نرخى زێڕ لەماوەى سێ رۆژدا

2021.03.05 - 11:16
App store icon Play store icon Play store icon
دووەم داڕوخانى نرخى زێڕ لەماوەى سێ رۆژدا

ناس کورد-

 

نرخى زێڕ بۆ نزمترین ئاست لەماوەى نزیکەى نۆ مانگدا دابەزى، ئەوەش بەهۆى بەرزبوونەوەى دۆلار و بەهاى قەواڵە داراییەکانى ئەمریکا.

کەناڵی ناس کورد لە تێلیگرام جۆین بکە   

 

بەپێی ئاژانسى رۆیتەرز کە "ناس کورد" بەدواداچوونى بۆ کردووە، نرخى زێڕ لە مامەڵە خێراکاندا 0.3% دابەزیوە و هەر ئۆنسەیەک گەیشتووەتە 1692.13 دۆلار.

 

هەروەها نرخى گرێبەستە دواخراوەکانى زێڕ 0.6% دابەزى و هەر ئۆنسەیەک بە 1690.40 دۆلار مامەڵەى پێوەکرا.

 

نرخى زێڕ روبەڕووى فشار بووەتەوە بەهۆى بەرزبوونەوەى دۆلار و داهاتى پشکەکانى خەزێنەى ئەمریکا، کە هێشتا بەبەرزى ماونەتەوە.

 

بەهاى ئەو کانزایە دووى ئەم مانگە روبەڕووى داڕوخانێکى دیکە بووەوە، کاتێکلە مامەڵەى خێرادا %0.3 دابەزی و گەیشتە 1717.99 دۆلار بۆ هەر ئۆنسەیەک، دواى ئەوەى بۆ ماوەیەک بە 1706.70 دۆلار مامەڵەى پێوەکرا، کە کەمترین ئاست بوو لە ناوەڕاستى حوزەیرانەوە تا ئێستا.

 

نرخى زێڕ لە ساڵى ڕابردوودا گەیشتە بەرزترین نرخ و هەر ئۆنسەیەک بە دوو هەزار و 67 دۆلار مامەڵەى پێوەکرا، لەمساڵیشدا نرخى ئەو کانزایە هەڵبەزین و دابەزین بەخۆوە دەبینێت.