گه‌ڕان

Shadow Shadow
سیاسه‌تی

’’بابەتی لاوەکی و سنووردار’’..پەیامێک لە بارزانى یەوە

2021.03.05 - 10:45
App store icon Play store icon Play store icon
’’بابەتی لاوەکی و سنووردار’’..پەیامێک لە بارزانى یەوە

ناس کورد-

 

مەسعود بارزانى سەرۆکى پارتى جەختدەکاتەوە بە هیچ شێوەیەک نابێت ئامانج و دەستکەوتەکانی راپەڕین بە لاڕێدا ببرێن و لە بابەتی لاوەکی و سنوورداری تردا بچووک بکرێنەوە.

کەناڵی ناس کورد لە تێلیگرام جۆین بکە   

 

بارزانى ئەمڕۆ هەینى لە پەیامێکدا بەبۆنەى ساڵیادى راپەڕینەوە کە وێنەیەکى دەست "ناس کورد" کەوتووە ئاماژەى بەوەکردووە "هەر کەس و لایەنێکیش بیەوێت لە بەها و ئامانجەکانی ڕاپەڕین کەم بکاتەوە لە راستیدا ناپاکی لە خوێنی شەهیدان و دەیان ساڵ خەبات و قوربانیدانی گەلی کوردستان دەکات".

 

دەقى پەیامەکە:

 

بە ناو خودای بەخشندە و میهرەبان

 

بە بۆنەی سییەمین ساڵڕۆژی راپەڕینە مەزنەکەی گەلی کوردستانەوە پیرۆزبایی لە خانەوادەی سەربەرزی شەهیدان و پێشمەرگە قارەمانەکان و هەموو نیشتمانپەروەر و تێکۆشەر و ئازادیخوازان و سەرجەم چینوتوێژ و هاووڵاتیانی کوردستان دەکەم.

 

راپەڕین، رەتکردنەوەی ستەم و داگیرکاری بوو و، لە هەمانکاتیشدا هەنگاوێکی مەزنی بزووتنەوەی رزگاریخوازیی کورد بوو بۆ دەستپێکی قۆناغێکی گرنگ لە خەباتی گەلەکەمان. ئامانجی راپەڕین گەڕاندنەوەی خاک و ماف بوو بۆ گەلی کوردستان کە ماوەیەکی زۆر بوو بە زەبری ئاگر و ئاسن و زۆرداری لە خەڵکی کوردستان زەوت کرابوو. ڕاپەڕین بۆ ئەوە بوو گەلی کوردستان بتوانێ لەسەر خاکی خۆی و لە چوارچێوەی پڕۆسەیەکی دیموکراتی و دامەزراندنی دامودەزگەی شەرعی، ئازادانە مافەکانی خۆی پیادە بکات.

 

لەو یادە پیرۆزەدا جەخت لەوە دەکەینەوە کە پێویستە ئامانج و بەهاکانی راپەڕین بۆ تاهەتایە بەرز و بەرقەرار بمێننەوە و، بە هیچ شێوەیەک نابێ ئامانج و دەستکەوتەکانی راپەڕین بە لاڕێدا ببرێن و لە بابەتی لاوەکی و سنوورداری تردا بچووک بکرێنەوە. گەلی کوردستان خەباتی کرد و خوێنی دا و ڕاپەڕی بۆ ئەوەی بە سەربەرزی بژیێت و، هەر کەس و لایەنێکیش بیەوێت لە بەها و ئامانجەکانی ڕاپەڕین کەم بکاتەوە لە راستیدا ناپاکی لە خوێنی شەهیدان و دەیان ساڵ خەبات و قوربانیدانی گەلی کوردستان دەکات. لە بەرانبەریشدا بە سەدانهەزار رۆڵەی کوردستان ئامادەن بەرگری لە ئامانج و بەها بەرزەکانی راپەڕین بکەن.