گه‌ڕان

Shadow Shadow
سیاسه‌تی

زانیاری زیاتر

كەتیبەکانى سید الشهداء: خۆزگە ئێمە هێرشەکەى هەولێرمان ئەنجام بدایە

2021.03.04 - 22:16
App store icon Play store icon Play store icon
كەتیبەکانى سید الشهداء: خۆزگە ئێمە هێرشەکەى هەولێرمان ئەنجام بدایە

ناس کورد- 

كەتیبەکانى سید الشهداء جارێکى تر رەتیدەکەنەوە ئەوان لەپشت هێرشەکەى هەولێرەوە بووبن و جەختلەوەدەکەنەوە، ئەوان خۆیان لەکارەکانیان بێبەرى ناکەن و خۆزگە دەخوازن ئەوان هێرشەکەى سەر فڕۆکەخانەى هەولێریان ئەنجام بدایە.

کەناڵی ناس کورد لە تێلیگرام جۆین بکە   

 

ئەبو ئالاء ولائى، ئەمیندارى گشتى کەتیبەکانى سید الشهداء (پێنجشەممە 4ى ئازارى 2021) لە بەیاننامەیەکدا کە ناس کورد بەدواداچونى بۆ کردووە وتویەتى، "ئەو تۆمەتەى ئاڕاستەى کەتیبەکانى سید الشهداء دەکرێت شەرەف و خزمەتى نیشتمانە، بەڵێ ئێمە بووین کە زەویمان لەژێر پێى داگیرکەران سوتاند و لە عێراق دەرمانکردن."

 

باسى لەوەشکردووە، "ئێمە کەسانێک نین خۆمان لە کارێکى شەریف بێبەرى بکەین کە کردبێتمان، بەڵام تۆمەتبار بکرێین بە کارێک کە نەمانکردوە و وا لێکدەدرێتەوە کە ناپاکییە لەکاتێکدا شانازییە، ئەوە کارى شەریفەکان نییە."


ئەبو ئالاء لە بەشێکى ترى بەیاننامەکەدا جەختیلەوەکردوەتەوە، "بنکەى داگیرکار لە هەولێر شورەییە و لەلایەن کەسانى ترەوە بەرپەرچى دراوەتەوە، ئەوەش جێى شانازییە و خۆزگەمان دەخواست ئێمە بووینایە."