گه‌ڕان

Shadow Shadow
سیاسه‌تی

زانیارى زیاتر

نرخى نەوت بەر لە کۆبونەوە چاوەڕوانکراوەکەى ئۆپیک بەرزبوویەوە

2021.03.04 - 09:35
App store icon Play store icon Play store icon
نرخى نەوت بەر لە کۆبونەوە چاوەڕوانکراوەکەى ئۆپیک بەرزبوویەوە

ناس کورد-

هاوکات لەگەڵ کۆبوونەوە چاوەڕوانکراوەکەى ڕێکخراوى ئۆپیک پڵەس، نرخى نەوت لەبازاڕەکانى جیهان بەرزبوونەوەى بەخۆیەوە بینى.

 

کەناڵی ناس کورد لە تێلیگرام جۆین بکە   

 

بەگوێرەى هەواڵى ئاژانسەکانى هەواڵى جیهانى (4ى ئازارى 2021) کە "ناس کورد" بەدواداچوونى بۆ کردووە لە بەرەبەیانى ئەمڕۆدا نرخى نەوت لەبازاڕەکانى جیهان بەرزبوونەوەى بەخۆیەوە بینیوە و نەوتی برێنت بەڕێژەی 0.50% بەهاکەی بەرزبوەوە و هەر بەرمیلێك نەوت بە 64.57 دۆلار مامەڵەی پێوە دەکرێت و هەروەها نەوتی خاوی ئەمریكا بە 61.69 دۆلار مامەڵەی پێوە دەکرێت.

 

بەرزبوونەوەى نرخى نەوت لە بازاڕەکانى جیهان هاوکاتە لەگەڵ کۆبوونەوەى وڵاتانى هەناردەکارى نەوت و هاوپەیمانەکانى کە بە (ئۆپیک پڵەس) بەناوبانگە و بڕیارە لە کۆبوونەوەکەدا بڕیار لەسەر ئایندەى نرخى نەوت بدرێت.

 

پێشتر دیامانتینۆ ئۆزیفیدۆ، سەرۆکى ڕێکخراوى ئۆپێک (2ى ئازارى 2021) لە لێدوانێکى ڕۆژنامەوانیدا باسى لەوەکردوە، نرخى نەوت بەشێوەیەکى ڕێژەیى جێگیرە و خواست لەسەر نەوت و خستنەڕوو تاڕادەیەکی زۆر هاوسەنگن. 

 

ڕوونیشیکردوەتەوە، بەهۆى پەتاى کۆرۆناوە کە جیهانى پێدا تێپەڕى و لەگەڵ هاتنى شەپۆلى نوێى پەتاکە، دەبینین کە خواست لەسەر نەوت کەم دەکات ئەوەش بەهۆى ڕێوشوێنەکانى کەرەنتینەوە. 

 

سەرۆکى ڕێکخراوى ئۆپێک باسى لەوەشکردوە، بە دڵنیاییەوە خواست لەسەر نەوت زیاد دەکات، ئەوەش بەهۆى دابەشکردنى ڤاکسینەکانى دژە کۆرۆنا لە جیهاندا و بازاڕى نەوت باڵانسى خۆى بەدەستدەهێنێتەوە.