گه‌ڕان

Shadow Shadow
سیاسه‌تی

زانیاری زیاتر

پلاندانانی عێراق ڕێژەی هەڵاوسانی بەهۆی دابەزینی نرخی دینار ئاشكراکرد

2021.03.03 - 23:07
App store icon Play store icon Play store icon
پلاندانانی عێراق ڕێژەی هەڵاوسانی بەهۆی دابەزینی نرخی دینار ئاشكراکرد

ناس کورد-

وەزارەتی پلاندانانی عێراق ڕایگەیاند، نیشاندەری هەڵئاوسانی مانگی کانوونی دووەمی ڕابردوو بە ڕێژەی 0.9 ٪  بەرزبووەتەوە و ڕێژەی هەڵئاواسانی ساڵانەش گەیشتووەتە %3.3 دا، ئاماژە بەوەشکراوە، دابەزینی بەهای دینار بەرامبەر بە دۆلار هۆکاری سەرەکی ئەو هەڵئاواسانەیە.

کەناڵی ناس کورد لە تێلیگرام جۆین بکە   

 

عەبدولزەهرە هینداوی، وتەبێژی وەزارەتەکە لەڕاگەیەندراوێکدا ( 3ی ئازای 2021) کە وێنەیەکی دەست " ناس کورد" کەوتووە، ڕایگەیاند، نیشاندەری هەڵئاوسانی مانگی کانوونی دووەمی ڕابردوو بە ڕێژەی 0.9% بەرزبووەتەوە و ڕێژەی ساڵانەش گەیشتووەتە 303%. 

 

وتیشی، "بەرزبوونەوەی ڕێژەی ئاڵوگۆڕی دۆلار لە ناوەڕاستی مانگی 12ی ساڵی 2020ەوە، بووە هۆی دابەزینی نرخی دراوی ناوخۆیی و بەرزبوونەوەی نرخی کاڵا و خزمەتگوزارییەکان، چونکە زۆربەی ئەو کاڵایانە هاوردە دەکرێن".  

 

هینداوی، ئەوەشی خستووەتەڕوو، "بەرزبوونەوەی نیشاندەری هەڵئاوسانی مانگانە بۆ مانگی کانوونی یەکەم، جەختی لەسەر بەرزبوونەوەی گرانبوونی کاڵا و خزمەتگوزارییەکان کردووەتەوە  بە ڕێژەی 2,1٪، ئەوەش بەهۆی بەرزبوونەوەی نرخی زێڕ لە سەرانسەری عێراقدا". 

 

وتەبێژەکەی وەزارەتی پلاندانی عێراق، ئاماژەی بەوەشکردووە، "بەشی تەندروستی و خزمەتگوزارییە تەندروستییەکان وەک بەرهەمی دەرمانسازی، چارەسەری فشاری خوێن  و چارەسەری شەکر، هاوکات کرێی پزیشکی باڵا لە نۆرینگە تایبەتەکان و کرێی خزمەتگوزاری نەخۆشخانەکانی کۆمەڵگا، بەڕێژەی لە 1,3٪ زیادی کردووە". 

 

وتیشی، "کەرتی نیشتەجێبوون بەڕێژەی 1.4٪ زیادی کردووە ئەوەش بەهۆی زیادبوونی نرخی ئاو و کارەبا و سوتەمەنی بە ڕێژەی %0.2 زیادی کردووە، بەشی پەروەردەش لە ئەنجامی زۆربوونی وانەی تایبەت لە ژمارەیەک پارێزگادا بەرزبوونەوەی تۆمارکردووە". 

 

ڕاشیگەیاندووە، "بەرزبوونەوەی  نیشاندەری ساڵانە بۆ مانگی کانوونی دوووەمی ڕابردوو بەبەراورد لەگەڵ هەمان مانگی کانوونی دووەمی 2020 دا لە ئەنجامی بەرزبوونەوەی بابەتەکانی جگەرە بووە کە بە ڕێژەی 11,2٪  بووە، بەشی نیشتەجێبوون ساڵانە 0,3٪ زیادی کردووە و بەشی تەندروستیش ساڵانە 13,6٪ زیادی کردووە".

 

هینداوی، ئەوەشی خستووەتەڕوو، " بەشی گواستنەوە ساڵانە بەرێژەی 9,7٪ی زیادکردوە، بەشی پەیوەندیکردن ساڵانە 5,8٪ زیادی کردووە، لە کاتێکدا بەشی کات بەسەربردن و ڕۆشنبیری 11,1٪ زیادی کردوە هەروەها بەشی خزمەتگوزاریی وکاڵاکانیش بەڕێژەی لە 13,7٪ زیادی کردووە".